EZabbuli 112:5 - Bbaibbuli y'oLugwere

⁵ Ebintu byabira nakusani iye oyo akola ebyʼekisa era akoopa abainaye, era omwenkanya omu byakola.

EZabbuli 112:5 ပူးပေါင်းရင်းမြစ်များ

EZabbuli 37:21

Ababbibabbi beekoopa nandi ni basasula. Neye abatuukirirye bagaba nʼomwoyo gumo.

ENgero 12:2

Omuntu omusa abba mukoda eeri oMusengwa, neye oMusengwa asingisya owʼenkwe omusango.

ENgero 17:18

Bubba busirusiru omuntu okweyama nʼateekawo omusingo oku lwʼeibbanja lyʼomwinaye.

ENgero 18:9

Omudoto omu byakola, mpaawo njawulo nʼoyo abebenya ebintu.

ENgero 2:20

Kale otambulirenge mu manzira gʼabantu abasa, era okwatenge manzira gʼabatuukirirye,

ENgero 24:27

Osooke otegeke nakusani emirimogyo egyʼe nza, oteereerye nakusani omusirigwo, kaisi weeyombekere enyumba.

Luuka 23:50

Awo, wabbairewo omusaiza eriinalye bati Yusufu, omusaiza oyo yabbaire mutyami wʼomu kibuga kyʼomu Buyudaaya ekibeeta Alimasaaya. Era yabbaire mukwenda oku lukiiko lwʼaBayudaaya olukulu, wazira tiyaikirizaganyire nalwo omu kiteeso ekyokwita oYesu era nʼomu ngeri yʼokukikolamu. Yabbaire musaiza musa era ngʼatuukiriire, era ngʼakumiriire okubbaawo kwʼobwakabaka bwa Kibbumba.

Luuka 6:35

Neye inywe mutakenge abalabe baanywe, era mubakolerenge ebisa. Mukoopenge nga timufiireyo ooba tibabasasule. Olwo kaisi empeera yaanywe ebbe nene, era mubbe baana ba Kibbumba oNambulaku aMwagaagana, olwʼokubba iye wʼekisa eeri abatasiima nʼababbibabbi.

Yokaana 6:12

Owebamalire okwikuta, nʼakoba abeegibe ati, “Mukumbaanirirye ebitudutundu ebifiikireku okutabebenyesya ekyokulya nago.”

Abʼe Looma 12:11

Mubbenge bʼeiganyi omu bimukola, timwabbanga bagayaali. Mwewengeyo nʼamaani gonagona omu kuweererya oMusengwa.

Abʼe Looma 5:7

Tikyangu omuntu omoiza okwewaayo ati afeerere omuntu ogondi atuukiriire. Koizi amo nga yoodi nenca akolera abandi ebisa, amo owʼengeri eyo nʼasunakuuyo omwinaye eyezwamu ni yeewaayo okumufeererera.

AbʼEfeeso 5:15

Kale mugenderere ino engeri egimwebityamu omu bwomi bwanywe, timwabbanga ooti bantu ababula amalabuki, wazira mubbenge abantu abaizwire amalabuki.

Abʼe Firipi 1:9

Era ekimbasabira eeri oKibbumba niikyo kinu ekiti; okutakangananga kwanywe kweyongerengemu amaani era mweyongerenge okukula omu malabuki nʼokutegeera.

Abʼe Kolose 4:5

Abo abakaali okusuna okwikirirya, mukolaganenge nabo nʼamalabuki, nga mukolesya nabuli nkabi egimusuna okubabbeera okumanya oKurisito.