EZabbuli 11:6 - Bbaibbuli y'oLugwere

⁶ Ababbibabbi yabamagalicaaku amakala gʼomusyo nʼomusyo gwa salufa, nʼempewo yʼeibbugumu eribitiriri niibyo ebyabba omugabo gwabwe.

EZabbuli 11:6 ပူးပေါင်းရင်းမြစ်များ

ENtandiika 19:24

Awo oMusengwa nʼatoonyesya oku Sodoma nʼoku Gomola omusyo nʼobuganga bwa mabbaale ebyoca eino nga bizwa omwigulu.

ENtandiika 43:34

Babainwire ebyokulya okuzwa oku menza ya Yusufu. Era ni bawa nabuli muntu yenkani, neye ebyokulya ebibawaire oBbenyamini ni bibba bingi ino okukiraku ebibawaire abagandabe badi abandi. Era ni balya, ni banywa, ni bajaagaanira aamo nʼoYusufu.

EZabbuli 105:32

Omukifo kya ikendi, yabasindikiire mabbaale ga ikendi, nʼokumesya ni kubba nabuli wantu omu kyalo kyabwe.

EZabbuli 16:5

Musengwa, niiwe ongabirira byonabyona. Era niiwe osalawo ebiri nʼokuntuukaku.

EZabbuli 18:13

Awo oMusengwa ngʼasinzirira omwigulu nʼatumula nʼeigono eryʼangulu ooti kubbwatuka kwʼeraadu; eigono lyʼoNambulaku aMwagaagana ni baliwulira, ni wabbaawo amabbaale ga ikendi, nʼamanda agʼomusyo.

EZabbuli 32:10

Ababbibabbi nga bagada ino, neye ekisa kya Musengwa, kibba eeri iye oyo amwesiga.

EZabbuli 75:8

OMusengwa akwaite ekikopo ekiizwire enviinyo egifuukira ogyʼobusungubwe. Agusukira ababbibabbi bonabona oku kyalo ni bagunywa, ni bagumalirawo nakimo.

Luuka 17:29

Neye oku lunaku oLuuti oluyazwereire omu kibuga kyʼe Sodoma, omusyo nʼobuganga bwʼamabbaale byagwire okuzwa omwigulu, ni bijigirica abantu bonabona omu kibuga ekyo.

Yokaana 18:11

Awo oYesu nʼalagira oPeetero ati, “Empiimayo ogikanjeeyo omu kiruutu kyayo. Iwe oseega oti tindi nʼokubita omu kipimo kyokugada kudi oBbaabba okwataka mbitemu?”

1 Samwiri 1:4

Nabuli olunaku owerwatuukanga olwʼErukaana okuweeraku esadaaka, yaawanga omukaliwe oPenina omugabo era nʼawa nabuli moiza oku baanabe abaala nʼabaisuka emigabo gyabwe.

1 Samwiri 9:23

OSamwiri nʼakoba omusumbi ati, “Oleete enyama eginakuwaire era eginakukobere nti ojaawule ogibise.”