EZabbuli 11:5 - Bbaibbuli y'oLugwere

⁵ OMusengwa yeekeenenya ebikole byʼabatuukirirye, neye acaawa ababbibabbi abataka ebikole byʼobukambwe.

EZabbuli 11:5 ပူးပေါင်းရင်းမြစ်များ

ENtandiika 22:1

Awo nga wabitirewo ekiseera, oKibbumba nʼagezesya oIbbulaimu okubona ngʼamugondera, kale nʼamweta ati, “Ibbulaimu!” OIbbulaimu nʼayetuka ati, “Waitu!”

EZabbuli 10:3

Ababbibabbi beewaana olwʼebintu ebibbibibbi ebibeinira okukola. Abalulunkanira okusuna bazumirira oMusengwa era ni bamwegaana.

EZabbuli 139:1

Oo Musengwa, waneekeenenyere era ommaite.

EZabbuli 17:3

Ogezeserye ebiseego byange era nʼokebera nʼomwoyo gwange obwire. Waneekenenyere era nandi nʼonjajiryamu nsobi. Ndi mumaliriri okutasobya omu ntumula.

EZabbuli 21:8

Waliwamba abalabebo bonabona, walikwata abakucaawa.

EZabbuli 26:2

Onkeme, Musengwa, ongezyesye, okebere omwoyo gwange nʼenseega yange,

EZabbuli 5:6

Ojigirica abo abatumula ebyobubbeyi. OMusengwa acaawira nakimo abaiti nʼababbeyi.

EZabbuli 7:9

Oo Kibbumba omutuukirirye, iwe akebera emyoyo nʼebiseego, okomye abantu ababbibabbi okukola ebikole ebibbibibbi, neye okuumenge abatuukirirye.

Yaakobbo 1:12

Yeesiimire ino omuntu oyo aguminkiriza omu kiseera kyʼokumukema, olwʼokubba oweyalimala okuwangula, balimuwa obwomi oKibbumba obuyasuubizire abamutaka ngʼengule yʼobuwanguli.

1 Peetero 1:7

Okubagezya okwo, kwizire kaisi olwo okwikirirya kwanywe kubbe kwʼamazima, era kaisi oomwo muzwemu inywe okusuna okubawuuja, nʼokubagulumalya nʼekitiisya, oYesu Kurisito ngʼabonekere. Ekikoba kiti, okwikirirya kwanywe nago ikwo kwʼebbeeyi eyʼamaani okukiraku eyo eyʼezaabbu iyo ejigirika, waire nga bagisaanucirye nʼomusyo kaisi bagikenena.

1 Peetero 4:12

Era bainange abatake, timwewunyanga olwʼebigezo ebyʼobulumi obunene ebimubitamu, ni mukitwala ooti-so kintu ekyewunyisya niikyo ekiri kubatuukangaku.