EZabbuli 108:8 - Bbaibbuli y'oLugwere

⁸ OGireyaadi kyalo kyange, nʼoManase kyange. Efulaimu iye nkofiira yange eyʼekyoma, oBuyudaaya iye mwigo gwange ogwʼobwakabaka.

EZabbuli 108:8 ပူးပေါင်းရင်းမြစ်များ

ENtandiika 49:10

Yuda niiwe owakwatanga omwigo ogwʼobufugi, era omwibyaireryo niimwo omwazwanga abafugi, paka amawanga owegaligondera eibyaireryo. Era niiryo abantu eribagonderanga.

2 Samwiri 2:8

Ebyo nga bikaali biri awo, Abbuneeri omutaane wa Neeri omuduumiri wʼamaje ga Sawulo yabbaire airukire nʼomutaane wa Sawulo ogubeeta Isibbosesi, nga baabire e Makanaimu, oku lubba ludi olwʼomwiga oYoludaani.

2 Samwiri 5:5

Omu Kebbulooni yafugiireyo oYuda emyanka musanvu nʼemyeri mukaaga, kaisi omu Yerusaalemi nʼafugirayo oIsirairi nʼoBuyudaaya emyanka 33.

EZabbuli 122:5

Mwikyo niimwo omu bateekere entebe egyʼobwakabaka egyʼokulamuliraku, entebe egyʼobwakabaka egyʼabʼenyumba ya Dawudi.

AMateeka 33:17

OYusufu ali nʼamaani ooti ga nte onumi omubere; era ali nʼebirwana ebyʼamaani ooti maziga ga mbogo. Yakolesyanga ebirwana ebyo okusindikiriryanga amawanga, era ago agali omu kyalo kyonakyona. Amawanga ago nago niigo emitwalo nʼemitwalo gyʼeibyaire lyʼEfulaimu; era niigo emitwalo gyʼeibyaire lya Manase.”

1 Samwiri 28:4

Awo aBafirisuuti ni bakumbaana, ni baaba ni bakola enkambi e Sunemu. OSawulo nʼakumbaania amaje gʼaBaisirairi gonagona ni gakola enkambi e Girubbowa.