EZabbuli 108:6 - Bbaibbuli y'oLugwere

⁶ Otununule era otubbeere ngʼokolesya obwezyebwo, kaisi abatakebo bayezye okuwunuka.

EZabbuli 108:6 ပူးပေါင်းရင်းမြစ်များ

2 Samwiri 12:25

era oMusengwa nʼalagira onaabbi Nasani nʼawa omwana oyo eriina ati, Yedidiya, olwʼokubba oMusengwa yamutakire.

EZabbuli 54:1

Oo Kibbumba, onnunule ngʼokolesya obwezye bwʼeriinalyo, okolesye obwezyebwo ontaase!

EZabbuli 57:6

Abalabe bange bategere omutego okumpapalya, ngoogookere omu bigosi ebimpitiriireku! Bakwire ekiina omu nzira yange, neye ibo abananyere niibo abakigwiremu.

OKuzwa 15:6

“Oo Musengwa, okoleserye engaloyo endiiro eyʼamaani amabitiriri, era nʼotentena omulabewo.

Matayo 17:5

Oweyabbaire ngʼakaali atumula ebyo, ekireri ekimirikiinya ni kiiza, ni kibabbuunaku nʼekiiriirye kyakyo. Era eigono ni lizwera omu kireri ekyo nga likoba liti, “Onu niiye oMwana wange oguntaka eino, era ogunsiima eino, mumuwulisisye.”

Matayo 3:17

Era eigono ni lizwa omwigulu, nga likoba liti, “Oyo niiye oMwana wange omutake era ogunsiima eino.”

Abʼe Looma 1:7

Kale mbawandiikira inywe nywenanywena abali omu kibuga e Looma, oKibbumba abaataka eino, era abeyayetere okubba abatuukirirye. Ekinsaba kiri kiti oKibbumba oItewaiswe nʼoMusengwa oYesu Kurisito babakwatire ekisa, era babawe eidembe.

AbʼEfeeso 1:6

Ekyo yakikolere kaisi tumuwuujenge olwʼekisaakye ekinene, ekiyatukoleire nga titusaanira nʼokusaanira, ngʼabitira omu Mwanawe oyo ogwataka eino.

AMateeka 33:12

Oku bʼekika kya Bbenyamini nʼakoba ati, “Oleke abatake ba Musengwa babbenge mwidembe nabo, olwʼokubba niiye abakuuma okumalaku olunaku, era niiye oMusengwa eyaabbanga mwibo.”

Abʼe Kolose 3:12

Muli bantu oKibbumba abeyalondere okubba ababe, nʼabawa okubba abatukulye era abaataka eino. Nʼolwekyo mubbenge bantu abaizwire okusaasira, nʼekisa, nʼobuwombeeki, nʼeiwooyo, era nʼokuguminkiriza.