EZabbuli 103:1 - Bbaibbuli y'oLugwere

¹ Mwoyo gwange owuuje oMusengwa. Nabuli ekiri omunda mu nze kiwuuje eriinalye iye omutukulye.

EZabbuli 103:1 ပူးပေါင်းရင်းမြစ်များ

EZabbuli 103:22

Muwuuje oMusengwa, inywe ebibbumbebye nywenanywena omu bifo byonabyona ebyafuga. Iwe mwoyo gwange, owuuje oMusengwa.

EZabbuli 104:1

Mwoyo gwange, owuuje oMusengwa. Oo Musengwa, iwe oKibbumba wange, oli mukulu ino. Oli nʼamaani era oli nʼekitiisya.

EZabbuli 111:1

Muwuuje oMusengwa. Neebalyanga oMusengwa nʼomwoyo gwange gwonagwona omu batuukirirye era omu nkumbaana gyabwe.

EZabbuli 138:1

Oo Musengwa, nakwebalyanga nʼomwoyo gwange gwonagwona, ni nnyemba nga nkuwuuja omumaiso gʼabakibbumba.

EZabbuli 145:1

Nagulumalyanga niiwe oKibbumba era oKabaka wange; nakuwuujanga emirembe nʼemirembe.

EZabbuli 47:7

Olwʼokubba oKibbumba niiye oKabaka wʼekyalo kyonakyona, mumwembere enyembo egimuwuuja.

EZabbuli 63:5

Omwoyo gwange gwanogananga ooti muntu aliire ekyokulya ekinoli, era nayembanga nʼeisangaalo okukuwuuja.

EZabbuli 99:3

Oleke bawuuje eriinalye erikulu era eryʼentiisya. Iye Mutukulye.

Yokaana 4:24

Iye oKibbumba mwoyo mwereere, kale abo abamusinza bateekwa okumusinzanga mu mwoyo era mu mazima.”

1 Abʼe Kolinso 14:15

Kale owekibba nga kityo nkole niki? Ntaka omwoyo gwange gusabe oKibbumba nga nkolesya ebibono ebintegeera. Era omwoyo gwange gwembe, nga nkolesya ebibono ebintegeera.

Abʼe Firipi 1:9

Era ekimbasabira eeri oKibbumba niikyo kinu ekiti; okutakangananga kwanywe kweyongerengemu amaani era mweyongerenge okukula omu malabuki nʼokutegeera.

Abʼe Kolose 3:16

Ekibono kya Kurisito, omu busuni bwakyo bwonabwona, kityamire nakimo omunda mwinywe era kirungamyenge ebintu byonabyona ebimutumula nʼebimukola. Era mwegesyanganenge ni mulabulangana omu malabuki gonagona. Nga mwizwire okwebalya omu myoyo gyanywe, mwemberenge oKibbumba eZabbuli, nʼenyembo egyʼebika ebitali bimo oMwoyo egyabawa okuyiiya.

Kubiikula 4:8

Buli kimo oku bibbumbe ebyomi ebyo ebina, nga kiri nʼebiyaya mukaaga, era ebibbumbe ebiri nʼobwomi nago nga biizwire amaiso oku mubiri kwonakwona era nʼomu biyaya. Era omusana nʼobwire, anambula kusirikakuumu, nga bideeba biti: “OMutukulye, oMutukulye, oMutukulye, oMusengwa oKibbumba oWabwezye Bwonabwona, eyabbairewo, abbaawo, era aiza kubbaawo!”