EZabbuli 101:5 - Bbaibbuli y'oLugwere

⁵ Nabuli asibirirya oku mwinaye omu mbiso, namujigiricanga. Nabuli owʼamalala era owʼeidumi tinamuguminkirizenge.

EZabbuli 101:5 ပူးပေါင်းရင်းမြစ်များ

EZabbuli 138:6

Waire ngʼoMusengwa yagulumaire okukiraku nabuli kintu, afaayo oku bayeejere; Neye abʼamalala, yabeesamba.

EZabbuli 15:3

Era atatumula ebyakalebule, atakola abaliranwabe ebibalumya, era atatumula ekibbikibbi oku bainaye.

EZabbuli 18:27

Ekyo kityo olwʼokubba onunula abawombeeki, neye oswaza abʼeijoogo.

EZabbuli 50:20

Osiiba kutumula wundi ku bagandabo, nʼokucocoomererya baana ba maawo.

OKuzwa 20:16

“Tiwasibiriryanga oku muntu yenayena.”

OKuzwa 23:1

OMusengwa ni yeeyongera okutumula ati, “Tiwasasyanga ebibono byʼobubbeyi, era tiwateekerangawo omuntu akabega akolere ekikole ekibbikibbi ngʼowa obujulizi obwʼobubbeyi.

ENgero 10:18

Iye oyo abisa obucaawi, abba mubbeyi; nʼoyo atumula obundi oku mwinaye, abba musirusiru.

ENgero 20:19

Owolugambo, takuuma ebyama; nʼolwekyo weewalenge abo abeesakabba.

ENgero 21:4

Okwekudumbalya nʼamalala, itaala lyʼababbibabbi, era ibyo kibbikibbi.

ENgero 25:23

Okugeya kuleeta obusungu, ngʼompunga owʼe mambuka owaaleeta oikendi.

ENgero 30:13

waliwo abo abeebona bonkani, era ni baseega bati niibo bonkani abaliwo;

ABaleevi 19:16

“ ‘Tiwasasyanga okalebule oku bainawo.’ “ ‘Tiwakolanga ekintu kyonakyona ekireeta akabbikabbi oku bwomi bwʼomwinawo. Ninze oMusengwa.’

Luuka 18:14

Awo oYesu nʼabakoba ati, “Mbakobera nti oodi iye owʼoluzwanyuma yakangire e ika ngʼoKibbumba amusoniyire okukiraku oodi ogondi. Ekyo kityo olwʼokubba buli eyegulumalya balimwica, neye iye oyo eyewombeeka balimugulumalya.”

1 Abʼe Kolinso 5:11

Wazira nabawandiikiire nti timukolagananga nʼomuntu kadi moiza eyeeyeta owoluganda neye nga mulendi ooba alulunkana, ooba asinza ebifaananyi, ooba atumula ebyakalebule, ooba omuteemeere, ooba omukumpanya. Era owʼengeri eyo nʼokulya, timulyanga naye.

1 Temuseewo 3:11

Nʼabakali baabwe batyo, bona basaaniire okubba bantu abebawa ekitiisya, abatasibirirya oku banaabwe, abeegendereza, era abeesigwa mu buli kimo.

Tito 2:3

Abakali abakulu bona obeegesyenge otyo. Babbenge nʼempisa egisaanira abantu ba Kibbumba, nga tibasibirirya oku banaabwe, era nga tibagalama bʼomwenge. Bali nʼokwegesyanga bintu ebisa, nga kwoteekere okwebityanga ngʼekyokuboneraku,

1 Samwiri 2:3

“Mulekeraawo okwenyumiriza, mukomye entumula eyʼokwepanka; olwʼokubba oMusengwa niiye oKibbumba omumanyi, era niiye alamula ebikole byʼabantu.”