EZabbuli 101:3 - Bbaibbuli y'oLugwere

³ Tinaguminkirizenge obubbibubbi bwonabwona. Ncaawa ebikole byʼabo abazwa oku Kibbumba, era tinabyemigirengemu.

EZabbuli 101:3 ပူးပေါင်းရင်းမြစ်များ

EZabbuli 119:113

Ncaawa abʼemyoyo emibiri, neye ntaka amateekago.

EZabbuli 119:37

Ocuuse amaiso gange gazwe oku bintu ebitagasa, era okuume obwomi bwange ngʼobwewasuubizire.

EZabbuli 125:5

Neye abo abakwata enzira gyabwe encaamu, oMusengwa yababonerezeranga aamo nʼababbibabbi. Eidembe libbe okwIsirairi.

EZabbuli 139:22

Mbacaawira nakimo ino, mbeeta balabe bange.

EZabbuli 14:3

Neye abantu bonabona bamuzwireku, ni basuuka ekitagasa egyali. Mpaawo akola ebisa, era kadi waire moiza.

EZabbuli 36:3

Ebibono ebyatumula bibbibibbi era bya bubbeyi. Yakomerye okukola ebintu ebyʼamalabuki era ebisa.

EZabbuli 39:1

Nakobere nti, “Neegenderezanga omu mpisa gyange, era nakuumanga olulumi lwange nandi ni ntumula ebibbibibbi. Nasirikanga obutabbaaku nʼekintumula kasita abakola ebibbibibbi babbanga baliwo.”

EZabbuli 40:4

Wʼenkabi iye oyo eyeesiga oMusengwa, era atakola omukumbo nʼabamalala, waire nʼabasinza ebifaananyi.

EZabbuli 41:9

Nʼomukaagwa wange, oyo oguneesiga eino, ogundya naye, ancuukiire.

EZabbuli 78:41

Emirundi nʼemirundi ni bakema oKibbumba, ni basunguwalya oMutukulye wa Isirairi.

EZabbuli 78:57

Nga tibagonda era nga tibeesigwa ooti bazeiza baabwe ngʼowebabbaire. Babbaire tibeesigika ooti mwini oguwulunguta omu mbaizi.

EZabbuli 97:10

Inywe abataka oMusengwa, mucaawe ekibbikibbi. Iye akuuma obwomi bwʼabo abamwesiga, era nʼabanunula omu bwezye bwʼababbibabbi.

OKuzwa 20:17

“Tiweegombanga enyumba yʼomuntu, newankubbaire omukaliwe, newankubbaire omugalamawe omusaiza ooba omukali, newankubbaire onteewe, ooba ompundawe, newankubbaire ekintukye ekindi kyonakyona ekyali nakyo.”

OKuzwa 32:8

Bazwire mangu omu nzira eginabalagiire okutambulirangamu. Beekoleire ekifaananyi ekyʼokusinza, ekya nyana omu zaabbu, ni bakisinza era ni bakiwa esadaaka, ni bakoba bati, ‘Isirairi, banu niibo abakibbumba abatutoire omu kyalo kyʼe Misiri.’ ”

ENgero 6:12

Omuntu atagasa, era omubbimubbi ayaba ngʼasasya bubbeyi.

ENgero 6:13

Akiika amaiso, nʼaseesya ebigere, nʼagerya nʼengalogye.

ENgero 6:25

Tiwegombanga obusiipoonobwe omu mwoyogwo, waire okuganya amaisoge okukusikiriza.

ENgero 8:13

Okutya oMusengwa niikwo okucaawa ekibbikibbi. Ncaawa amalala nʼokwepanka, nʼeneebitya embimbi nʼentumula eyʼobubbeyi.

Matayo 5:28

Neye nze mbakoba nti nabuli alingirira omukali olwʼokwegomba okwegaita naye, oyo abba abbengere ogwʼobulendi omu biseegobye.

Abʼe Looma 12:9

Okutakangana kwanywe kubbenge kwʼamazima. Mucaawenge ekibbikibbi, mukalangukirenge omu kukola ebintu ebisa.

Abʼe Galatiya 4:9

Neye atyanu ngʼowemumaite oKibbumba, ooba kankobe nti oKibbumba ngʼowabamaite, tete mwiraayo mutya e nyuma okuweererya emizimu igyo eminafu era egitagasa? Era mutaka giiremu okubafuga?

AMateeka 13:17

Timwesigaliryangaku kintu kadi kimo kwebyo ebimuli nʼokujigiricirya nakimo, kaisi oMusengwa akomye obusungu obungi. Yabakwatiranga inywe ekisa, nʼabasoniya nʼabasuuca bangi ngʼoweyalayiriire abazeiza baanywe,

AMateeka 15:9

Timwagaananga okumukoopa nga mwekwatisya muti omwanka ogwomusanvu ogwokusoniyiramu amabanja gwatira okutuuka. Timwikiriryanga enseega eyo embiibbi okwingira omu myoyo gyanywe. Owemwagaananga okumukoopa, kaisi nʼakungirira oMusengwa ngʼabawaabira, mwabbangaku omusango ogwʼekibbikibbi ekyo.

AbʼEbbulaniya 10:39

Neye iswe tituli mwabo abaira e nyuma, ni bajigirika, wazira tuli mu baabo abaikirirya, ni babalokola.

Yoswa 23:6

“Kale mubbe bagumu ino; mubbenge beegendereza okugonderanga byonabyona ebibawandiikire omu Kitabo kyʼaMateeka ga Musa nga timubizwaku kadi naire.

2 Peetero 2:21

Ekyo kityo olwʼokubba abeegesi abo ibo kyandibagasire nandi ni bamanya enzira yʼamazima, okukiraku owebamala okugimanya kaisi ni bagizwamu, era ni bazwa oku Mateeka ga Musa ageyabawaire.

1 Yokaana 2:19

Kaisi abalabe abo nago twakumbaananga nabo, neye tibabbaire bʼenjikirirya ooti yaiswe. Ekyo kityo olwʼokubba singa babbaire bʼenjikirirya eedi eyaiswe, bandibbaire basigala na iswe. Neye kale okutuzwaku kwabwe kwalagire kuti mpaawo kadi moiza kwibo eyabbaire omunaiswe.

1 Samwiri 15:11

“Neejusire olwʼokusuuca oSawulo okabaka, olwʼokubba acuukire nʼanzwaku era nʼagaana okuwulira ebiragiro byange.” OSamwiri nʼanakuwala, ni yeegairira oMusengwa obwire bwonabwona.