EZabbuli 100:3 - Bbaibbuli y'oLugwere

³ Mumanye muti oMusengwa niiye oKibbumba. Niiye eyatubbumbire, era tuli babe. Tuli bantu ababe era tuli ntaama gyʼomu kiriisiryokye.

EZabbuli 100:3 ပူးပေါင်းရင်းမြစ်များ

EZabbuli 119:73

Wambumbire nʼengalogyo, era niiwe owankolere, ombeere okutegeera kaisi njege amateekago.

EZabbuli 12:4

abo abakoba bati, “Ebibono byaiswe bitusunisya nabuli ekitutaka, twatumula ebitutaka, naani ayezya okutuloberya?”

EZabbuli 149:2

Oleke oIsirairi asangaalire oyo eyamukolere. Abantu bʼe Sayuuni basangaalire oKabaka waabwe.

EZabbuli 46:10

Nʼakoba ati, “Mwikaikane! Mumanye muti ninze oKibbumba ogubagulumalyanga omu mawanga gonagona. Gubagulumalyanga omu kyalo kyonakyona.”

EZabbuli 78:52

Olwo nʼakubbembera abantube ooti muliisya owaakubbembera entaamagye, nʼabalungamya okubabitya omwidungu.

EZabbuli 79:13

Awo iswe abantubo, entaama gyʼomu kiriisiryokyo, twakwebalyanga bulijo emirembe gyonagyona. Mulembe ku mulembe, twadeebereranga okukuwuuja.

EZabbuli 95:3

Ekyo kityo olwʼokubba, oMusengwa niiye oKibbumba omukulu, era niiye oKabaka omukulu akira abakibbumba abandi bonabona.

OKuzwa 6:7

Nalibasuuca inywe bantu bange, era ni mba Kibbumba waanywe. Era awo mwalimanya nga Ninze oMusengwa iye oKibbumba waanywe abanunwire okuzwa omu bugalama omu kyalo kyʼe Misiri.

Yokaana 17:3

Era ibwo obwomi obutawaawo obwo busunika mu ngeri eenu eti: Abantu bali nʼokukumanya niiwe oKibbumba wenkani onanyerenyeere, era nʼokumanya oYesu Kurisito oguwatumire okununula abantu.

2 Abʼe Kolinso 4:6

Ekyo kityo olwʼokubba oKibbumba eyalagiire ati, “Oleke ekitangaala kyake omu ndikiirya,” atyanu niiye ayakisya ekitangaala omu myoyo gyaiswe, olwʼokuleetera abantu okumanya bati ekitiisyakye kibonekera mu Yesu Kurisito.

AbʼEfeeso 2:10

OKibbumba niiye onyere eyatukolere atyo, ati tubbe ekintu ekimo nʼoKurisito Yesu, kaisi twezye okukolanga ebikole ebisa ebyo eira oKibbumba ebiyatutegekeire okukolanga.

AMateeka 32:15

“ABaisirairi ni bagaigawala, neye ni bajeemera oKibbumba; baliire nakusani era ni bageizageizana, Bazwire oku Kibbumba waabwe eyababbumbire, ni bagaana oyo eIbbaale omu beebisa ni basuna obununuli.

AMateeka 32:6

Eyo niiyo engeri egimusasulamu oMusengwa, inywe abasirusiru era ababula amalabuki? Tiniiye oitewaanywe, eyababbumbire, tiniiye eyabakolere era nʼabasuuca igwanga?

AMateeka 4:35

“Ebyo oMusengwa yabibalagire inywe, kaisi mumanye muti oMusengwa, niiye oKibbumba yenkani, mpaawo gondi.

AMateeka 4:39

“Kale mumanye olwatyanu era mukikuume omu myoyo gyanywe muti, oMusengwa niiye oKibbumba aali angulu omwigulu nʼansi oku kyalo. Mpaawo gondi.

AMateeka 7:9

Nʼolwekyo mumanye muti oMusengwa iye oKibbumba waanywe, niiye Kibbumba yenkani, era niiye oKibbumba omwesigwa, akuuma endagaanoye era nʼalaga okutakakwe okutakoma paka ku bantu abʼemirembe 1,000, egyʼabo abamutaka era abagondera ebiragirobye.

1 Peetero 2:25

Ekyo kityo olwʼokubba mwabbaire mumamaalikire ooti ntaama egigotere, neye atyanu mwirire eeri oYesu iye alabirira obwomi bwanywe ooti muliisya alabirira entaama.

1 Peetero 2:9

Neye inywe muli bantu abalondemu, era muli bakabona ba Kabaka, era muli igwanga eritukulye, era muli bantu ba Kibbumba iye onyere. Kale nʼomu ngeri eyo kaisi olwo mwezye okulangiriranga ebisa byʼoyo iye eyabeetere okuzwa omu ndikiirya yʼobutamanya oKibbumba, okwingira omu kitangaala ekyʼokumanya oKibbumba.

1 Peetero 4:19

Nʼolwekyo, abo ibo abagada neye ngʼoKibbumba niiye akitakire atyo, bali nʼokwesibira oku Mubbumbi waabwe iye oyo omwesigwa, era nʼokweyongera okukolanga ebisa.

1 Yokaana 5:20

Era tumaite tuti oYesu oMwana wa Kibbumba yaizire era nʼatutegeeresya, kaisi twezye okumanya oKibbumba iye oyo owʼamazima. Era tuli nʼenkolagana nʼoyo iye owʼamazima, tete ni tubba nʼenkolagana nʼoMwanawe oYesu Kurisito yena. Iye oyo nago niiye ogututegeereraku oKibbumba owʼamazima, era niiye agaba obwomi obutawaawo.