EZabbuli 100:2 - Bbaibbuli y'oLugwere

² Muweererye oMusengwa nʼeisangaalo, mwize omumaisoge nga mwemba enyembo egyʼeisangaalo.

EZabbuli 100:2 ပူးပေါင်းရင်းမြစ်များ

EZabbuli 42:4

Omwoyo gwange gwizula enima oweneebukirya ebyʼeira, ngʼowenayabanga nʼekiyindi kyʼabantu, ni nabeekubbemberamu nga twaba omu nyumba ya Kibbumba, nga tuceera olwʼeisangaalo era tubbookooka okumuwuuja, omu kiyindi nga tujaguza.

EZabbuli 71:23

Nabbookookanga olwʼeisangaalo nga nnyemba okukuwuuja, nze oguwanunwire.

EZabbuli 95:2

Oleke twabe omumaisoge tumwebalye, era tubbookooke enyembo egyʼokumuwuuja.

AMateeka 12:12

Mwasangaaliranga yeeyo omumaiso ga Musengwa iye oKibbumba waanywe, nga muli aamo nʼabataane baanywe nʼabaala baanywe, nʼabagalama baanywe abasaiza nʼabakali, nʼaBaleevi abali omu bibuga byanywe olwʼokubba ibo tibasunire omugabo ooba omuwuluko ogwabwe-okubwabwe.

AMateeka 16:11

Era mwajagaaniranga omumaiso ga Musengwa iye oKibbumba waanywe, omu kifo ekiyalironda okumusinzirangamu. Mwajagaananga nga muli aamo nʼabaana baanywe, nʼabagalama baanywe, nʼaBaleevi abʼomu bibuga byanywe, nʼabagwira, nʼabafuubbi nʼabanamwandu ababba mwinywe.

AMateeka 16:14

Mwajaagaaniranga aamo nʼabaana baanywe, nʼabagalama baanywe, nʼaBaleevi, nʼabanamawanga, nʼabafuubbi, nʼabanamwandu abali omu bibuga byanywe.

AMateeka 28:47

Olwʼokubba timwaweereryanga oMusengwa iye oKibbumba waanywe nʼomwoyo ogwizwire eisangaalo nʼokujaagaana, olwʼebintu ebibitiriri ebimwasunire,

Abʼe Firipi 4:4

Musangaalirenge omu Musengwa bulijo. Tete njiramu okubakoba nti musangaalenge.