EZabbuli 10:9 - Bbaibbuli y'oLugwere

⁹ Yeebisirira ooti mpologoma aali nʼekyagonereire omu kigona, nʼakuuma okukwata onambulaku obubbeeri. Akwatisya onambulaku obubbeeri era nʼamukulukuusa ngʼali omu lutuulalwe.

EZabbuli 10:9 ပူးပေါင်းရင်းမြစ်များ

EZabbuli 109:31

Ekyo kityo olwʼokubba alwanirira adamba, okumununula eeri abo abamusalira ogwʼokufa.

EZabbuli 12:5

Neye oMusengwa akoba ati, “Olwʼokubba abantu ababbibabbi bagadya abadoobi, era nʼabebagadya bakunga, nasetuka ni mbakuuma ngʼowebeetaaga.”

EZabbuli 140:5

Abeepanka bantegere omutego omu kyama, bategere olutuula lwabwe era bantegere emitego omu nzira.

EZabbuli 17:12

Bali ooti mpologoma aali nzala okunyiiranyiira ekyayiigire, era bali ooti mpologoma okitobba ayeebisire, ngʼajunjumiriire okukwata ekyayiiga.

EZabbuli 35:10

Nʼobwomi bwange bwonabwona nalikoba oMusengwa nti, “Oo Musengwa, naani aali nga iwe! Onunula omunafu eeri amukiraku eino amaani, nʼonunula omudoobi nʼadamba, eeri abamunyagaku ebibye.”

EZabbuli 37:14

Ababbibabbi basowolayo empiima gyabwe, ni baleega obulaso bwabwe okwita abadoobi nʼabanambulaku obubbeeri, nʼokwita abalongoole omu myoyo.

EZabbuli 59:3

Obone owebagonerera okunjita. Oo Musengwa, abasaiza abʼamaani abakambwe beekumbaania okunnumba anambula kibbikibbi ekinkolere ooba omusango.

ENgero 14:31

Omuntu amigirirya omudoobi abba anyoomere yooyo eYamukolere, neye akolera ebyʼekisa adamba abba awa Kibbumba kitiisya.

ENgero 22:16

Iye oyo amigirirya omudoobi, okwongera okwegaigawalya, nʼoyo iye agabira abagaiga ebirabo, bombi balidooba.

ENgero 28:15

Ngʼompologoma owaaluluma ooba odubu oweyeetala, nʼomufugi omubbimubbi afuga abanambulaku obubbeeri, atyo waabba.

Yokaana 10:12

Cooka iye omupakasi, iye tabba ooti muliisya onyere entaama. Era owaabona omusege nga gwiza, iye alekaawo-buleki entaama ni yeirukirawo. Kale awo omusege gwiza ni gulumba entaama, ni gukwataku omoiza waaku era nʼegindi ni gisalaanika.

Bikole 23:21

Neye tibakusendasenda, olwʼokubba waliwo mwibo abasaiza ababita omu 40 abamuzigiire omu nzira. Era beerairiire okutalyaku kantu konakona ooba okunywaku okutoolaku nga bamalire kumwita. Bali eeyo beetegeki, bakuumiriire niiwe kwikirirya kusaba kwabwe.”