EZabbuli 10:4 - Bbaibbuli y'oLugwere

⁴ Omubbimubbi yeewaana era tanoonia oMusengwa. Era omu biseegobye mpaamu Kibbumba.

EZabbuli 10:4 ပူးပေါင်းရင်းမြစ်များ

ENtandiika 6:5

Atyanu oMusengwa nʼabona ngʼabantu bakola ino ebikole ebibbibibbi oku kyalo. Era nabuli kufumintiriza kwʼemyoyo gyabwe nga kubbikubbi kwereere bulijo.

EZabbuli 101:5

Nabuli asibirirya oku mwinaye omu mbiso, namujigiricanga. Nabuli owʼamalala era owʼeidumi tinamuguminkirizenge.

EZabbuli 18:27

Ekyo kityo olwʼokubba onunula abawombeeki, neye oswaza abʼeijoogo.

EZabbuli 27:8

Mpulira omu mwoyo gwange ngʼonkoba oti, “Onnoonie,” Musengwa, zena njiramu omu mwoyo gwange nti, “Nakunoonianga.”

EZabbuli 36:1

Ekibbikibbi kitumulira omu mwoyo gwʼomuntu omubbimubbi. Ekyʼokuwa oKibbumba ekitiisya kibabulamu.

EZabbuli 53:1

Abasirusiru bakoba omu myoyo gyabwe bati, “Mpaawo Kibbumba.” Boonoonoki, era bakola bibbibibbi; mpaawo akola ebisa.

EZabbuli 73:11

Era ababbibabbi abo ni beebuulya bati, “OKibbumba yamanya atya? Dala oKibbumba oNambulaku aMwagaagana abitegeera?”

OKuzwa 5:2

Neye oFalaawo nʼabuulya ati, “OMusengwa oyo niiye onaani, kaisi mmuwulire, era njikirirye aBaisirairi okwaba? Nze timmaite oMusengwa oyo, era tinaleke aBaisirairi okwaba.”

ENgero 21:4

Okwekudumbalya nʼamalala, itaala lyʼababbibabbi, era ibyo kibbikibbi.

ENgero 30:13

waliwo abo abeebona bonkani, era ni baseega bati niibo bonkani abaliwo;

ENgero 30:9

Nga tikiikyo, amo-so nimba na bibitiriri ino ni nakwegaana ni nkoba nti, ‘OMusengwa-so niiye onaani?’ Ooba ni mba mudoobi ni ntuuka nʼokwibba, ni nswaza eriinalyo Kibbumba wange.”

ENgero 6:17

Embonia eyʼamalala, entumula eyʼobubbeyi, engalo egisuka omusaaye gwʼabanambulaku omusango;

Maako 7:21

Ekyo kityo olwʼokubba omu mwoyo gwʼomuntu niimwo omuzwa ebiseego ebibbibibbi, nʼobudankaani, nʼobwibbi, nʼobwiti, nʼobulendi,

Bikole 8:22

Weenenye, era weegairire oKibbumba amo nʼakusoniya okuseega ekiseego ekyʼengeri eyo ekiri omu mwoyogwo.

Abʼe Looma 1:21

Newankubbaire nga babbaire bategeera oKibbumba ekyali, tibafiireyo okumuwa ekitiisya ekimusaanira ngʼoKibbumba, waire kadi okumwebalyaku olwʼebyabakolera. Wazira, ibo tete bairire mu kubebenyekera nakimo biseego, nʼemyoyo gyabwe emiwuyaawuya ni gikaapa. Nʼomu ngeri eyo, ni basuukira nakimo kintu ekitagasa.

Abʼe Looma 1:28

Era olwʼokubba tibakitwala bati kikulu okusigala nga basinza oKibbumba, kagira yena abalekere okudankaana okutuuka nʼokukolanga nʼebitasaaniire.

AbʼEfeeso 2:12

Mwebukiryenge muti mwabbaire mubula nkolagana nʼoKurisito, kale nga tibabalira omu bantu ba Kibbumba abʼeigwanga lya Isirairi. Era mwabbaire mubula mugabo omu ndagaano egirimu ebyo oKibbumba ebiyasuubizire abantube. Mwabbaire omu kyalo nga timumaite oKibbumba, era nga mubula suubi yenayena owokusuna obwomi obutawaawo.

AMateeka 8:14

muboneranga nakimo nga timwegulumalya omu myoyo gyanywe, ni mwerabira oMusengwa iye oKibbumba waanywe eyabatoire omu kyalo kyʼe Misiri, e gimwabbaire omu bugalama.