EZabbuli 10:17 - Bbaibbuli y'oLugwere

¹⁷ Oo Musengwa, omaite abanambulaku obubbeeri ekibasuubira. Mazima owulira okukunga kwabwe nʼobairyamu amaani era nʼowulisisya nʼokusaba kwabwe.

EZabbuli 10:17 ပူးပေါင်းရင်းမြစ်များ

EZabbuli 102:17

Yaliiramu okusaba kwʼabadoobi, era tiyalinyooma okwegairira kwabwe.

EZabbuli 145:19

Atuukirirya okwegomba kwabo abamutya, era awulira okwekunga kwabwe nʼabanunula.

EZabbuli 34:15

Amaiso ga Musengwa gali ku batuukirirye, era atega amatwige eeri okukunga kwabwe owebamusaba obubbeeri.

EZabbuli 37:4

Eisangaalo olinoonienge mu Musengwa, era yakuwanga ebyo omwoyogwo ebigwegomba.

EZabbuli 9:12

Ekyo kityo olwʼokubba oKibbumba Iye anyaaŋa obwiti, ayebukirya abagada, era tiyeebityaku okukunga kwabwe.

EZabbuli 9:18

Neye abadamba tiyabalekesulenge enaku gyonagyona. Osuubi wʼabo abebagadya tiyaawengewo emirembe gyonagyona.

ENgero 10:24

Omubbimubbi ebyatya bimutuukaku; neye abatuukirirye ebibeetaaga babisuna.

ENgero 15:8

OMusengwa acaawa esadaaka eyʼomubbimubbi, neye okusaba kwʼomulongoole omu mwoyo kumusangaalisya.

ENgero 16:1

Omuntu ategeka omu mwoyogwe ebiyakola; neye oMusengwa niiye asalawo ekyenkomerero.

Matayo 5:3

“Bʼenkabi abadoobi omu bwomi bwabwe obwʼomwoyo olwʼokubba abo obwakabaka bwʼomwigulu ibwo bwabwe.

Abʼe Looma 8:26

Kaisi okwongererya kwekyo, oMwoyo oMutukulye atubbeera omu bunafu bwaiswe, olwʼokubba titumaite okusaba oKibbumba ebintu ebinanyerenyeere ebyetaagisya. Neye iye yeegairira oKibbumba okulwaiswe ngʼamuwa amakulu gʼebyo ebitukaire okubbutula omu kukenyera kwaiswe.

AbʼEfeeso 2:18

Era aBayudaaya nʼabatali Bayudaaya swenaswena tubitira mu Kurisito, nga tuli omu Mwoyo omoiza oyo, kaisi ni tutuuka omumaiso ga Itewaiswe.

AbʼEfeeso 3:12

Olwʼokubba ekintu ekimo nʼoKurisito oyo, era nʼolwʼokumwikiririryamu, twezya okwigerera eeri oKibbumba omu kusaba mwidembe nʼobugumu.

Yaakobbo 4:10

Mwenenye omumaiso ga Musengwa, era owemwakola mutyo, iye yabasetula nʼabawa ekitiisya.

Yaakobbo 4:6

Neye era, oKibbumba atuwa enkabi mpitiriri egitwezyesya okuwangula okwegomba okubbikubbi. Ekyo kityo olwʼokubba eKiwandiike kikoba kiti: “OKibbumba ayakanisya abʼamalala, wazira akwatira ekisa ibo abo abawombeeki.”

1 Peetero 3:12

Ekyo kityo olwʼokubba oMusengwa iye oKibbumba alabirira abatuukirirye era atega amatwige eeri kusaba kwabwe. Neye oMusengwa iye oKibbumba ayakanisya abo ibo abakola ebibbibibbi.”

1 Peetero 5:5

Nʼomu ngeri enanyereeyo, na inywe abaikirirya abandi abasigaireyo, mugonderenge abeekubbemberi baanywe, era mubbenge bʼeiwooyo eeri buli muntu nʼomwinaye. Ekyo kityo olwʼokubba eKiwandiike kikoba kiti: “OKibbumba ayakanisya abʼamalala, wazira akwatira ekisa ibo abo abawombeeki.”