EZabbuli 10:14 - Bbaibbuli y'oLugwere

¹⁴ Neye iwe, Kibbumba obona ebigosi nʼenima, era weetegekere okubbeera. Abo abanambulaku obubbeeri beewaayo giri niiwe, bulijo niiwe obbeera abafuubbi.

EZabbuli 10:14 ပူးပေါင်းရင်းမြစ်များ

ENtandiika 21:17

Awo oluzwanyuma oKibbumba nʼawulira omwana nago ngʼakunga, kale omalaika wa Kibbumba ngʼali omwigulu nʼayeta Agali, nʼamukoba ati, “Agali, obbaire niki? Tiwaatya, olwʼokubba oKibbumba awuliire omwanawo ngʼakunga.

ENtandiika 31:12

Kaisi nʼankoba ati, ‘Osiirye amaisogo obone. Empanya gyonagyona egiwakisirye ekiraalo egimo gya mabalabala nʼegindi nasusi. Ekyo kityo olwʼokubba mboine byonabyona oLaabbaani ebyakukola.

2 Samwiri 16:12

Amo-so oMusengwa yabona obugosi bunu obwendimu, nʼansasula ekisa omu kunduula okubali kunduulyaga olwatyanu.”

EZabbuli 146:9

OMusengwa akuuma abasenze, nʼabbeera abanamwandu nʼabafuubbi, neye afafaagania ababbibabbi.

EZabbuli 22:11

Nʼolwekyo tiwamba e yala, olwʼokubba akabbikabbi kandi kumpi, era mpaawo eyambeera.

EZabbuli 31:8

Tompaireyo eeri abalabe bange, neye ompaire eidembe lyʼokutambulira omu kifo kyʼomweyaayo.

EZabbuli 35:22

Oo Musengwa, iwe ebyo obibona, kale tiwasirika. Musengwa, tiwamba e yala.

EZabbuli 55:22

Ebigosibyo obikwatisyenge Musengwa, niiye eyakubbeeranga. Tiyalekenge abatuukirirye, abantu okubawangula.

EZabbuli 68:5

Niiye oiteeye wʼabafuubbi, era niiye omulwaniriri wʼabanamwandu, iye oKibbumba abba omu kifookye ekitukulye.

EZabbuli 68:6

OKibbumba awa abanambulaku abantu baabwe, ebisito. Atoola abasibe omu mabbuusu, ni babba omwidembe. Neye abajeemu babba mu kyalo ekikalu.

OKuzwa 2:25

OKibbumba nʼabona aBaisirairi nga bagada, era nʼabalumirwa.

OKuzwa 22:22

“Timugadyanga onamwandu waire omulekwa.

OKuzwa 22:26

Omwinawo owaakusingiranga ekizwalokye, okimwiriryanga ngʼeisana likaali okugwa.

ENgero 15:25

OMusengwa avunirawo nakimo enyumba eyʼowʼamalala neye akuuma ensalosalo gyʼabanamwandu.

ENgero 15:3

OMusengwa abona nabuli wantu, alabirira abasa nʼababbibabbi.

AMateeka 10:18

Alamula mu bwenkanya ensonga gyʼabafuubbi nʼabanamwandu era alumirwa omunamawanga, nʼamuwa ebyokulya nʼebyokuzwala.

2 Temuseewo 1:12

Era kagira ndamba nti ngʼabantu banjakanisya era nga bangadya. Neye era, ekyo tikinkwatisya nsoni naire, olwʼokubba mmaite ogunaikiriirye, era nkakasa nti ayezya okukuuma obwomi bwange obunamubisisirye paka oku lunaku ludi olwʼenkomerero.

AbʼEbbulaniya 4:13

Mpaawo kibbumbe waire kimo ekyezya okwebisa oKibbumba. Buli kimo kimuli akukunali akibona, era omumaisoge gituli nʼokwewozeryaku.

1 Peetero 4:19

Nʼolwekyo, abo ibo abagada neye ngʼoKibbumba niiye akitakire atyo, bali nʼokwesibira oku Mubbumbi waabwe iye oyo omwesigwa, era nʼokweyongera okukolanga ebisa.

1 Peetero 5:7

Kale mumukwatisyenge ebigosi byanywe byonabyona, olwʼokubba iye abalabirira.

ABalamuzi 1:7

Awo Adoni Bbezeki nʼakoba ati, “Abakabaka ensanvu abenatemereku ebinkumu nʼennwe enene, bakumbaanianga obukunkumukira ansi wʼemenza yange. Atyanu oKibbumba ansaswire kiikyo zena ekinabakolere.” Ni bamutwala e Yerusaalemi, era eeyo giyafeereire.