EZabbuli 10:13 - Bbaibbuli y'oLugwere

¹³ Lwaki omubbimubbi anyooma oKibbumba? Era nʼakoba omu mwoyogwe ati, “Tiyambonereze.”

EZabbuli 10:13 ပူးပေါင်းရင်းမြစ်များ

ENtandiika 42:22

Awo oLubbeeni nʼabairamu ati, “Aale nze tinabakobere nti timwakola omwisuka akabbikabbi, neye inywe ni mugaana okumpulisisya? Atyanu bali kutugadya lwʼokufaakwe.”

ENtandiika 9:5

Era nabuli eyasaanyangawo obwomi bwa muntu, bamuvunaananga olwʼobwomi obwo. Era nabuli kisolo ekyaitanga omuntu bakivunaananga ni bakiita kyona. Era eyaitanga omuntu yena bamuvunaananga ni bamwita.” OKibbumba ni yeeyongera ati,

EZabbuli 74:10

Oo Kibbumba, abalabe balituuca di okukujerega? Eriinalyo balirizumirira emirembe gyonagyona?

EZabbuli 74:18

Oo Musengwa, oyebukirye engeri omulabe egyakujeregere, nʼabasirusiru ngʼowebazumiriire eriinalyo.

OKubala 11:20

Neye mwagirya mweri mulamba, paka oweyalibasinya nʼebafunyira wundi. Ekyo kyalibba kityo olwʼokubba muneegaine nze oMusengwa aali mwinywe, ni mwezulugumira omumaiso gange nga mukoba muti, lwaki mwazwire omu kyalo kyʼe Misiri!’ ”

Luuka 10:16

Awo nʼakoba abeegibe ati, “Abo ibo abawulisisyanga ebimwegesyanga, baabbanga bawulisisirye ninze. Era abo ibo ababatalanga, baabbanga batalire ninze. Kaisi abo ibo abantalanga, baabbanga batalire Kibbumba oyo iye eyantumire.”

AMateeka 29:18

Muli nʼokubonera nakimo muti mpaawo musaiza ooba omukali, ooba maka, ooba kika, mwinywe abali aanu olwatyanu, omwoyogwe ogucuuka ni guzwa oku Musengwa iye oKibbumba waiswe, ni gwaba gusinza abakibbumba abʼamawanga ago. Muli nʼokubonera nakimo nga timubba ooti mulandira gwʼekimera ekikula ni kibba kirulu era nga kyʼobutwa.”

1 Abʼe Sesalonika 4:8

Nʼolwekyo yenayena agaana ebitwegesya, abba tagaine bibono bya muntu, neye abba againe bibono bya Kibbumba, abawa oMwoyowe oMutukulye.