EZabbuli 1:3 - Bbaibbuli y'oLugwere

³ Omuntu oyo ali ooti musaale ogubakomere okumpi nʼomwala gwʼamaizi, ogubala ebineneka byagwo omu kiseera kyabyo, era ogutawotoka amakoola. Omuntu oyo nabuli ekyakola kibitamu.

EZabbuli 1:3 ပူးပေါင်းရင်းမြစ်များ

ENtandiika 39:23

Omukulu wʼamabbuusu tiyeeraliikiriranga olwʼekintu kadi kimo ekiyakwatisirye oYusufu. Ekyo kityo olwʼokubba oMusengwa yabbaire aamo nʼoYusufu, nʼamuwanga enkabi mu buli kimo ekiyakolanga.

ENtandiika 39:3

Atyanu omusengwawe oyo nʼategeera ati oMusengwa ali aamo nʼoYusufu era amuwa enkabi mu buli kyakola.

EZabbuli 128:2

Walirya oku bibala bya lwotalwo, walibba wʼenkabi nʼebisa byalibba bibyo.

EZabbuli 129:8

Era nʼabo ababitawo tibamukoba bati, “OMusengwa akuwe enkabi. Tukuwa enkabi omu liina lya Musengwa.”

EZabbuli 92:14

Omu bukaire gisigala nga gibala ebibala, gisigala nga mijimu era nga ginyirira.

EZabbuli 92:15

Ekyo kiraga kiti oMusengwa musa, era niiye eibbaale lyange omu neebisa, era mwiye mpaamu bubbibubbi.

OKubala 24:6

“Eweema gyanywe gyepangire ooti bikolo byʼensansa, ooti misiri oku mbale kwʼomwiga; ooti misaale egyʼakaloosa oMusengwa egiyakomere. Giri ooti mivule e giri oku mbale mbale kwʼamaizi.

Matayo 13:6

Neye eisana oweryocerye eino ni liwotoca ebimera ebyo era ni bikala olwʼokubba emiri gyabyo gyabbaire tigyabiriire ansi omwitakali.

Matayo 21:19

Era awo nʼalengera omusaale omutiini oku nzira. Nʼayaba nʼagutuukaku, neye nandi nʼayajiryaku kineneka kadi kimo okutoolaku ebikoola byonkani. Awo nʼagukoba ati, “Toirangayo okuneneka emirembe gyonagyona!” Era amangu ago omutiini ni gutandiika okukala.

Matayo 21:34

Awo ekiseera ekyʼamakungula owekyabbaire kituukire, nʼatuma abagalamabe eeri abapangisya, bamuweeku omugabogwe oku bineneka byʼomusiri gwʼemizabbibbu.

Matayo 21:41

Ibo ni bamwiramu bati, “Yaliita abasaiza ababbibabbi abo bundi, era nʼomusiri ogwo nʼagupangisyamu abandi ibo abamuwanga omugabogwe oku bineneka buli makungula.”

Yokaana 15:6

Kale omuntu owaatabba ekintu ekimo na nze, abba ooti isaga eribamuma eedi era ni liwotoka. Era agatyo niigo agebatoola ni bagamuma omu musyo ni gaya.

AMateeka 28:8

“OMusengwa yabawanga enkabi mu byonabyona ebimwakolanga, era mwasunanga amakungula mabitiriri ni mwizulya esitoowa gyanywe. Era oMusengwa iye oKibbumba waanywe oyo yabaweeranga enkabi omu kyalo ekyabawa.”

Yuda 1:12

Kale dala abeegesi bʼobubbeyi abo bʼakabbikabbi ino oku mbaga gyanywe awemukumbaanira ngʼaboluganda, era ni bagikaisya okwaba kusani. Ibo mpaawo gubafaaku kale ni babbeera nakimo ooti baliisya bʼentaama badi abatafa oku kisibo neye ni babba ngʼabafa ku kwikutya bida byabwe byonkani. Ibo tibagasa ooti bireri ompunga ebyatambulya neye nga tibizwamu ikendi. Era ibo bamalamu amaani ooti misaale egitabbaaku ebineneka omu kiseera kyʼamakungula, era ooti giidi egifeereire nakimo era ni bagisimbuliza nʼemiri.

Kubiikula 22:2

ni gukulumukira aakati omu guguudo ogunene ogwʼekibuga ekyo. Oku lubba nʼolubba olwʼomwiga ogwo kwabbaireku omusaale ogwʼobwomi obutawaawo, ogwama ebineneka emirundi ikumi na mibiri omu mwanka, nga gwama nabuli mweri; ebikoola byagwo nga bya kulamya mawanga gonagona.