Eseza 7:7 - Bbaibbuli y'oLugwere

⁷ Okabaka nʼasetuka ngʼaizwire obusungu, nʼalekaawo ebyokunywa, nʼawuluka e nza, nʼayaba omu misaale gyʼomu luuga lwʼomu lubiri. OKamani iye awo nʼabona ngʼokabaka amaliriire kumukola kabbikabbi, kale nʼasigala okwegairira onabagereka Eseza okumulamya.

Eseza 7:7 ပူးပေါင်းရင်းမြစ်များ

ENgero 19:12

Obulwa bwa kabaka butiisya ooti kululuma kwa mpologoma; neye ekisaakye kiweeweerya ooti lume oluli okwisubi.

Eseza 1:12

Neye abalaawe abo owebaabire bakobera onabagereka oVasuti okabaka ekyabatumire, onabagereka nʼagaana okwaba. Awo okabaka nʼaizula obusungu nʼobulwa.

Kubiikula 3:9

Kale abo abasengererya oSitaani, abeeyeta aBayudaaya aate nga tiBayudaaya, neye nga babbeya-bubbeyi, nalibatuuca omu mbeera eyalibaleeta omumaisogo, ni bakotama oku mazwi omumaisogo okukuwa ekitiisya, era ni bamanya bati nkaali nkutaka.

ENgero 14:19

Ababbibabbi balikotamya emitwe omumaiso gʼabasa, era ababbibabbi balyegudyera oku miryango gyʼabatuukirirye.

EZabbuli 112:10

Ekyo omubbimubbi akibona ni kimusunguwalya, nʼanyayiya neye nga mpaawo kyokukola. Okusairirya kwʼomubbimubbi tikwatuukirirenge.

1 Samwiri 25:17

Nʼolwekyo atyanu omanye ekintu ekyo era osalewo ekyoli nʼokukola, olwʼokubba bamaliriire okukola akabbikabbi oku musengwa waiswe oyo nʼoku bʼomu nyumbaye bonabona. ONabbali oyo musaiza wʼempisa mbiibbi, era mpaawo ogwayezya okuwulisisya.”

1 Samwiri 20:9

Awo oYonasani nʼakoba oDawudi ati, “Kadi naire! Singa mbaire nkimaiteku nti obbaabba mumaliriri okukukola akabbikabbi, tinandikukobeire?”

1 Samwiri 20:7

Awo oweyakoba ati, ‘Ekyo kisa ino,’ olwo ngʼomanya oti nze omuweereryawo naabba kusani. Neye oweyasunguwala, ngʼomanya oti mumaliriri okunkola akabbikabbi.

Eseza 1:5

Emyeri egyo omukaaga owegyawoireku, okabaka nʼasumbira abantu embaga ni balya okumala enaku musanvu. Embaga eyo yabbaire yʼabantu abʼekitiisya nʼabayejere, era yagigabuliire mu misaale gyʼomu luuga lwʼomu lubirirwe omu kibuga ekikulu oSusa.

Eseza 7:10

Kale ni baaba baanika oKamani oku kalabba akeyabbaire ategekere kwanikaku Moludekaayi. Awo obusungu bwa kabaka ni bwikaikana.

ENgero 14:35

Okabaka yeenyumirizira omu muweererya owʼamalabuki, neye obulwabwe bubba ku muweererya akola ebiswaza.

ENgero 16:14

Okabaka owaasunguwala ayinza okukwita, neye omuntu owʼamalabuki amwikaikania.