ENtandiika 39:5 - Bbaibbuli y'oLugwere

⁵ Era okuzwa kwolwo, ekisito kyʼoMumisiri oyo, nʼebintubye byonabyona ebiyabbaire nabyo omu kisitokye, nʼomu misirigye, oMusengwa nʼabiwa enkabi oku lwa Yusufu.

ENtandiika 39:5 ပူးပေါင်းရင်းမြစ်များ

ENtandiika 30:27

Neye oLaabbaani nʼamukoba ati, “Oleke ntumule kinu. Nvumbwire okubitira omu kulagula nti oMusengwa ampaire enkabi kubitira mu niiwe.

Bikole 27:24

nʼankoba ati, ‘Pawulo, tiwaatya. Okutaka kwange kuli kuti, oli nʼokwaba e Looma oyemerere omumaiso ga kabaka wʼaBalooma akuwozesye. Kagira oku lulwo, oKibbumba ayaba okulamya abo bonabona abali na iwe omu meeri.’

EZabbuli 72:17

Oganye eriina lya kabaka balyebukiryenge emirembe gyonagyona, era lyeyongerenge okufuma paka eisana oweryalikomya okwaka. Oganye abantu bonabona basunenge enkabi kubitira mu niiye. Era bamwetenge wʼenkabi.

ENtandiika 12:2

Era nalikuwa abaizukulu bangi ino ni basuuka igwanga erinene eryʼamaani, era nakuwanga enkabi. Era nalitutumuca eriinalyo kaisi iwe nʼozwerangaku abantu okusuna enkabi.

AbʼEfeeso 1:3

Twebalye oKibbumba era oIteeye wa Musengwa waiswe oYesu Kurisito, eyatugabiire nabuli nkabi gyonagyona egyʼomwoyo egizwa omwigulu olwʼokubba ekintu ekimo nʼoKurisito.

EZabbuli 21:6

Dala omuwaire enkabi egyʼenkalaakalira, era asangaala olwʼokubba oli naye.

ENtandiika 19:29

Kale oKibbumba oweyajigiricirye ebibuga ebyʼomu kyalo ekyo ekibulamu ensozi oLuuti omu yabbaire omutyami, nʼayebukirya oIbbulaimu era nʼatoola oLuuti omu kujigirika okwabbaire omu bibuga ebyo.