ENtandiika 2:4 - Bbaibbuli y'oLugwere

⁴ Atyo oMusengwa niiye oweyabbumbire eigulu, nʼekyalo, nʼebintu ebibirimu. OMusengwa oweyakoleire ekyalo nʼeigulu,

ENtandiika 2:4 ပူးပေါင်းရင်းမြစ်များ

ENtandiika 1:1

Omu ntandiika oKibbumba yabbumbire eigulu nʼekyalo.

ENtandiika 1:28

OKibbumba nʼawa omusaiza nʼomukali enkabi ngʼabakoba ati, “Mubyalagane era mweyongere obungi, mwizulye ekyalo era mukifuge. Mufugenge ebyʼomu nyanza, nʼebinyonyi, era nabuli ekitambula okwitakali.”

ENtandiika 1:3

Awo oKibbumba nʼakoba ati, “Wabbeewo ekitangaala.” Era ni wabbaawo ekitangaala.

ENtandiika 1:31

OKibbumba nʼabona nabuli ekyakolere nga kisa ino. Awo ni bwirugala era ni buca, ni lubba lunaku lwomukaaga.

ENtandiika 1:4

OKibbumba nʼabona ngʼekitangaala kisa, nʼakyawula oku ndikiirya.

ENtandiika 10:1

Linu niiryo eibyaire lyʼabaana ba Nuwa: OSeemu, nʼoKaamu, nʼoYafeesi. Abaanabe abo, basunire eibyaire ngʼamataba gamalire okubbaawo.

ENtandiika 11:10

Linu niiryo eibyaire lya Seemu. Wabbaire wankubitawo emyanka mibiri okuzwa ngʼamataba owegabbeereirewo, era oSeemu nga wʼemyanka 100, nʼabyala Alupakusaadi.

ENtandiika 2:3

OKibbumba nʼawa enkabi olunaku olwomusanvu, nʼalutukulya olwʼokubba oku lunaku olwo, luyawuumuliireku ngʼamalire omulimo gwonagwona ogwʼokubbumba oguyabbaire akolere.

ENtandiika 25:12

Atyanu linu niiryo eibyaire lya Isimairi, omutaane wa oIbbulaimu, oguyabyaire nʼAgali oMumisiri omugalama wa Saala.

ENtandiika 25:19

Linu niiryo eibyaire lya Isaka omutaane wa Ibbulaimu: OIbbulaimu yabbaire iteeye wa Isaka.

ENtandiika 36:1

Linu niiryo eibyaire lyʼEsawu, eriinalye erindi bati, Edomu.

ENtandiika 36:9

Linu niiryo eibyaire lyʼEsawu eyabbaire ozeiza wʼaBeedomu ababbaire abatyami bʼomu kyalo ekyʼensozisozi ekya Seiri:

ENtandiika 5:1

Atyanu binu niibyo ebikwata okwAdamu nʼeibyairerye. OKibbumba oweyabbumbire omuntu, yamubbumbire ngʼamufaanana.

EZabbuli 18:31

Ekyo kityo olwʼokubba, aale naani oKibbumba okutoolaku oMusengwa? Era naani eIbbaale omutwebisa okutoolaku oKibbumba waiswe?

EZabbuli 86:10

Ekyo kityo olwʼokubba oli wʼamaani, era okola ebyewuunyisya. Niiwe oKibbumba wenkani.

OKuzwa 15:3

OMusengwa niiye omulwani wʼolutalo omuzira, eriinalye niiye oMusengwa.

OKuzwa 6:16

Atyanu ganu niigo amaliina gʼabaana ba Leevi ngʼowebairanganaku omu kubabyala: OGerusoni, nʼoKokasi, nʼoMerali. Era oLeevi yawangaire emyanka 137.

Kubiikula 1:4

Nze oYokaana, mpandiikira amakanisa omusanvu agali omu kitundu kyʼAsiya. Ekisa nʼeidembe bibbenge mwinywe, nga bizwa egiri oKibbumba aliwo, era eyabbairewo, era aiza kubbaawo. Era ni bizwa eeri emyoyo omusanvu, egibba omumaiso gʼentebeye eyʼobwakabaka bwa Kibbumba.

Kubiikula 1:8

“Ninze Alufa era Omega,” atyo oMusengwa oKibbumba oWabwezye Bwonabwona waakoba, abbaawo, era eyabbairewo, era aiza kubbaawo.

Kubiikula 11:17

nga webakoba bati: “Musengwa oKibbumba oWabwezye Bwonabwona, abbaawo era eyabbairewo, tukwebalya olwʼokubba weiriirye obwezyebwo nʼotandiika okufuga.

Kubiikula 16:5

Ni mpulira omalaika alabirira amaizi ngʼakoba ati: “Iwe oli mwenkanya omu kuleetawo ebibonerezo ebyo. Era iwe oMutukulye, obbaawo era eyabbairewo okuzwa eira nʼeira, emisango ogisalire mu bwenkanya.