ENgero 22:5 - Bbaibbuli y'oLugwere

⁵ Amawa nʼemitego, bibba omu nzira yʼomubbimubbi, neye iye oyo akuuma obwomibwe, yabyewala.

ENgero 22:5 ပူးပေါင်းရင်းမြစ်များ

ENgero 15:19

Enzira yʼomugayaali ebba nswapi nʼamawa, neye ekisinde kyʼomulongoole omu mwoyo lubba luguudo olulambye.

1 Yokaana 5:18

Era tumaite tuti omuntu yenayena iye abba asuukire omwana wa Kibbumba tasigala ngʼakola ebikole ebibbibibbi olwʼokubba oYesu oMwana wa Kibbumba amukuuma nʼakusa, era oSitaani nʼatamukola akabbikabbi.

ENgero 16:17

Okwewala ekibbikibbi niiyo enzira yʼobulongoole, oyo iye afaayo oku ntambulaye, akuuma obwomibwe.

ENgero 19:16

Oyo iye agondera amateeka, akuuma obwomibwe; neye oyo iye aganyoomoola, wʼokufa.

ENgero 13:15

Enseega ensa ereetera omuntu okubba mukoda, neye eneebitya yʼoyo atali mwesigwa emuzweramu kujigirika.

ENgero 13:3

Eyeekuuma omu ntumula akuuma bwomibwe, neye atumulyaga yeereetaku kujigirika.

EZabbuli 91:1

Nabuli ayaba eeri oNambulaku aMwagaagana okusuna obukuumi, nabuli eyaabbanga omu bukuumi bwʼoyo oWabwezye Bwonabwona,

EZabbuli 11:6

Ababbibabbi yabamagalicaaku amakala gʼomusyo nʼomusyo gwa salufa, nʼempewo yʼeibbugumu eribitiriri niibyo ebyabba omugabo gwabwe.

Yoswa 23:13

awo nga muli nʼokumanyira nakimo muti oMusengwa iye oKibbumba waanywe takaali abbinga abʼamawanga ago nga wemugataabaala. Wazira, baabbanga mitego era mipaasuka egimuli; baabbanga faalu oku migongo gyanywe, era mawa omu maiso gaanywe, paka owemwaliweerawo nakimo omu kyalo kinu ekisa, oMusengwa iye Kibbumba waanywe ekiyabawaire.

ENgero 22:4

Obwikaikani nʼokutya oMusengwa, bireeta obusuni nʼekitiisya, nʼobwomi.

ENgero 29:6

Omubbimubbi bamukwatira mu nsobigye, neye omutuukirirye, ayemba nʼajaagaana.

ENgero 4:19

Neye enzira yʼababbibabbi eri ooti ndikiirya ekwaite zigizigi, tibabona ekibaleetera okwesiitaala.