ENgero 13:2 - Bbaibbuli y'oLugwere

² Entumula yʼomuntu ensa emuzweramu ni yeeyagalira omu bisa, neye abatali beesigwa beinira buvuuyo.

ENgero 13:2 ပူးပေါင်းရင်းမြစ်များ

EZabbuli 140:11

Tiwaganya abo abali nʼentumula embiibbi okubbaaku nʼe gibabba oku kyalo; oleke ekibbikibbi kiyiigenge mangu abakambwe ni kibajigirica.

EZabbuli 75:8

OMusengwa akwaite ekikopo ekiizwire enviinyo egifuukira ogyʼobusungubwe. Agusukira ababbibabbi bonabona oku kyalo ni bagunywa, ni bagumalirawo nakimo.

ENgero 1:18

Abantu abo, babba beetega niibo abananyere, batega omutego ogwabapapalya niibo abananyere.

ENgero 1:31

kagira balirya ebineneka ebizwa omu bikole byabwe era ni baikuta ebineneka byʼenkwe gyabwe.

ENgero 10:11

Omunwa gwʼomutuukirirye nsulo yʼobwomi, neye ogwʼomubbimubbi gwizula bukambwe.

ENgero 11:23

Okwegomba kwʼomutuukirirye kuzwamu bisa byereere, neye eisuubi lyʼomubbimubbi likomenkereza mu bulwa bwa Musengwa.

ENgero 12:14

Entumula yʼomuntu ensa emuleetera okusuna ebisa bingi, era emirimo gyʼengalogye gyamusasulanga.

ENgero 18:20

Omuntu ebyatumula bimugasa ooti kyokulya, ebizwa omu byatumula byamugasanga.

ENgero 18:21

Olulumi lwezya okuleeta okufa ooba obwomi; kale abalukolesya eino, bakungulanga ebiruzwamu.

ENgero 4:17

Okukola ebibbibibbi kibanyumira ooti kyokulya era ebikole byʼobukambwe, bibanyumira ooti kyokunywa.

Kubiikula 16:6

Olwʼokubba abantu ababbibabbi basukire omusaaye ogwʼabatuukirirye nʼogwʼabanaabbibo, wena kyozwireku obawa omusaaye bagunywe. Ekyo dala kibasaaniire!”