ENgero 11:9 - Bbaibbuli y'oLugwere

⁹ Ebibono byʼomuntu atatya oKibbumba bijirica abainaye, neye abatuukirirye, okumanya kubanunula.

ENgero 11:9 ပူးပေါင်းရင်းမြစ်များ

EZabbuli 55:12

Singa omulabe niiye anzuma, nandikigumiire. Singa ampalana niiye aneepankiraku, nandibbaire mmwebisaku.

ENgero 11:6

Obutuukirirye bwʼabalongoole omu myoyo bubanunula, neye abatali beesigwa ibo babakwatira mu kwegomba kwabwe okubbikubbi.

ENgero 11:8

Omutuukirirye bamununula omu bigosi, neye omubbimubbi niiye aira nabba nabyo.

ENgero 16:29

Omutabulitabuli asendasenda omwinaye, nʼamukolesya ebyembyoni.

Matayo 7:15

Era oYesu ni yeeyongera ati, “Mwekuume abanaabbi abʼobubbeyi. Baiza egimuli ngʼoku ngulu baboneka ooti tibakabbikabbi ooti ntaama, neye ngʼomunda bali ooti misege egiiza okunyaga.

Maako 13:14

“Owemwalibona ekintu ekyomuliko era ekikwatisya enyinya nga bakiteekere awekitateekwa okubba era oyo asoma ebyo amanye amakulu, olwo abo abalibba omu Buyudaaya, bairukiranga mu nsozi.

Bikole 20:30

Era na mwinywe abanyere mwalizwamu abantu ni batandiika okwegesya ebyobubbeyi ebiriibya amazima ngʼekibaliku kusimoolya beegi ba Yesu basengererye niibo.

1 Yokaana 2:21

Kale timbawandiikira olwʼokubba kiti timumaite amazima, neye olwʼokubba mugamaite era nʼolwʼokubba nti mpaawo bubbeyi obuzwa omu mazima.

1 Yokaana 2:27

Neye inywe, oMwoyo oMutukulye oKurisito oguyabawaire, akaali ali mwinywe, era timwetaagisya muntu yenayena kubeegesya. Ekyo kityo olwʼokubba oMwoyo oyo nago abeegesya byonabyona ibyo ebinanyerenyeere, era tibinambulamu naire. Kale mubbenge mu nkolagana nʼoKurisito, ngʼoMwoyo oyo nago oweyabeegeserye.