ENgero 11:4 - Bbaibbuli y'oLugwere

⁴ Obusuni mpaawo kibugasa oku lunaku lwʼomusango, neye obutuukirirye bununula omu kufa.

ENgero 11:4 ပူးပေါင်းရင်းမြစ်များ

ENtandiika 7:1

Awo oMusengwa nʼakoba oNuwa ati, “Oingire nʼabʼomu kisitokyo bonabona omu lyato, olwʼokubba nkuboine nga niiwe wenkani omutuukirirye omu mulembe gunu.

ENgero 10:2

Obusuni bwʼobukumpanya, tibugasa; neye obwesigwa bununula omu kufa.

ENgero 12:28

Enzira eyʼobutuukirirye erimu obwomi, era omu kisinde ekyo mpaamu kufa.

ENgero 6:34

olwʼokubba eibuba lireetera omusaiza omufumbo okwirya obulwa olwʼomukaliwe nandi nʼabba nʼekisa nga yeesasuza.

Matayo 16:26

Aale kirimu mugasoki omuntu okusuna obusuni bwonabwona obwʼoku kyalo, neye kaisi nʼafiirwa obwomibwe? Era dala mpaawo omuntu ekyayezya okuwaayo okugula obwomibwe.

Luuka 12:20

“Neye oKibbumba nʼamukoba ati, ‘Musirusiru iwe! Omu kiire kinu oyaba kufa, olwo ebyotegekere byabba byani?’

Abʼe Looma 5:17

Atyanu, obanga olwʼokubbenga kwa muntu omoiza oyo abantu bonabona bafa, kaisi tete kyalibba kitya owekituuka kwabo oKibbumba abeyakwatiire ekisa ekibitiriire nʼabawa ekirabo ekyʼokubasiima, okubitira omu muntu omoiza, oYesu Kurisito. Bonabona balibba boomi.

1 Temuseewo 4:8

Ekyo kityo olwʼokubba okukola ebisaizi byʼomubiri kigasa katono, neye okukola ebintu ebiweisya oKibbumba ekitiisya kigasa omu bintu byonabyona. Ikwo kuleeta eisuubi eryʼomu bwomi bunu obwʼoku kyalo, era nʼobwo obutawaawo oKibbumba obuyaliwa abaikirirya.