AMateeka 7:9 - Bbaibbuli y'oLugwere

⁹ Nʼolwekyo mumanye muti oMusengwa iye oKibbumba waanywe, niiye Kibbumba yenkani, era niiye oKibbumba omwesigwa, akuuma endagaanoye era nʼalaga okutakakwe okutakoma paka ku bantu abʼemirembe 1,000, egyʼabo abamutaka era abagondera ebiragirobye.

AMateeka 7:9 ပူးပေါင်းရင်းမြစ်များ

ENtandiika 17:7

Era nalikola endagaano yange ngʼendagaano eyenkalaakalira aakati wange na iwe nʼeibyaireryo eryaliirawo. Yalibba ndagaano eyalikola omu mirembe egyaliirawo, era ngʼekoba eti, ‘Ninze oKibbumbawo era oKibbumba wʼeibyaireryo eryaliirawo.’

ENtandiika 28:15

Okimanye oti, naabbanga na iwe, era nakukuumanga wonawona e giwaabanga, era nalikwirya okwitakali linu. Tinalikulekawo, era nakukoleranga byonabyona ebinkusuubizire.”

ENtandiika 9:15

kyandeteranga okuseega oku ndagaano yange, egindagaanire na inywe nabuli kibbumbe ekya buli ngeri ekiri nʼobwomi. Amaizi agʼamataba tigaliiramu okutoonya okujigirica ebibbumbe byonabyona ebiri nʼobwomi.

EZabbuli 103:18

nʼoku bantu abakuuma endagaanoye, era ni banyiikiira okukwata amateekage.

EZabbuli 105:8

Akuuma endagaanoye emirembe gyonagyona, yeekuuma okutuukirirya ebisuubizobye eeri emirembe lukumi.

EZabbuli 119:75

Oo Musengwa, mmaite nti olamula mu butuuce, era wambonerezere olwʼokubba oli mwesigwa.

EZabbuli 146:6

iye eyakolere eigulu nʼekyalo, nʼenyanza nʼebigirimu byonabyona, iye oMusengwa asigala nga mwesigwa emirembe gyonagyona.

EZabbuli 36:6

Obutuukiriryebwo bubbeerererawo ooti nsozi empanvu, obwenkanyabwo bwabirira ooti lwabi lwʼenyanza. Oo Musengwa, olabirira abantu nʼebisolo.

OKuzwa 20:6

Neye nakwatiranga ekisa enkumi nʼenkumi egyʼabo abantaka era abakwata amateeka gange.”

OKubala 14:18

‘Ninze oMusengwa, alwawo okusunguwala, owʼokutaka okutakoma era nsoniya ebikole ebibbibibbi nʼobujeemu. Neye tindeka okubonereza oyo abbengere, era mbonereza abaana nʼabaizukulu, paka oku kiizukulu kyokusatu nʼoku kyokuna, olwʼebikole ebibbibibbi byʼababyaire baabwe.’

Abʼe Looma 8:28

Tumaite tuti eeri abo abataka oKibbumba era abeyayetere okusinzirira oku kigendererwakye egibali, buli kintu ekibatuukaku, iye akikolaku ni kibazweramu busa.

1 Abʼe Kolinso 1:9

Era oKibbumba eyabeetere okugabanira aamo nʼoMwanawe oMusengwa waiswe oYesu Kurisito, iye mwesigwa.

1 Abʼe Kolinso 10:3

Era bonabona balyanga kyokulya kinanyere ekyo ekyʼomwoyo oKibbumba ekiyabagabiranga.

1 Abʼe Kolinso 8:3

Neye iye omuntu owaabba ngʼataka oKibbumba, omuntu oyo oKibbumba amumanya.

2 Abʼe Kolinso 1:18

Neye mazima dala ngʼoKibbumba obwali mwesigwa, titwabasuubizire nʼemyoyo mibiri.

AMateeka 32:39

“ ‘Aale atyanu mukimanye muti, Nze ninze zenkani oKibbumba! Mpaawo kibbumba gondi okutoolaku Nze. Ninze njita, era Ninze ngaba obwomi. Ntemula era ni ndamya, mpaawo ayezya okwakanisya ekimba nsalirewo.

AMateeka 32:4

OMusengwa niiye eibbaale omu neebisa, era ebikolebye bituukirirye, amanzirage gonagona matuuce. Iye Kibbumba omwesigwa atakola ekitali kituuce, era akola ebituuce ebyʼobwenkanya.”

AMateeka 4:35

“Ebyo oMusengwa yabibalagire inywe, kaisi mumanye muti oMusengwa, niiye oKibbumba yenkani, mpaawo gondi.

AMateeka 4:39

“Kale mumanye olwatyanu era mukikuume omu myoyo gyanywe muti, oMusengwa niiye oKibbumba aali angulu omwigulu nʼansi oku kyalo. Mpaawo gondi.

AMateeka 5:10

Neye nakwatiranga ekisa enkumi nʼenkumi egyʼabo abantaka era abakwata amateeka gange.’ ”

1 Abʼe Sesalonika 5:24

Eyabeetere mwesigwa, era ekyo yalikituukirirya.

2 Abʼe Sesalonika 3:3

Neye oMusengwa waiswe mwesigwa era yabongeramu amaani, nʼabalamya omubbimubbi oSitaani.

2 Temuseewo 2:13

Nʼowetutabba beesigwa, iye abba mwesigwa, olwʼokubba tayezya kweyakanisya iye onyere.”

Tito 1:2

Okwikirirya nʼamazima ago byeigikire ku kusuubira bwomi obutawaawo, oKibbumba atayezya kubbeya, obuyasuubizire okuzwa eira eino.

AbʼEbbulaniya 10:23

Tukalangukire oku suubi ogutukobera abantu era nga tituyuugayuuga, olwʼokubba oKibbumba eyasuubizire, iye mwesigwa.

AbʼEbbulaniya 11:11

Okwikirirya, niikwo okwezyesyerye oIbbulaimu eyabbaire akairiire awoireyo, okubyala omwana omu Saala eyabbaire omugumba. OIbbulaimu yaikiriirye ati oKibbumba eyabbaire asuubizire okumuwa omwana, iye mwesigwa era yatuukirirya ekibonokye.

AbʼEbbulaniya 6:18

Mwekyo oKibbumba ekiyakolere, mulimu ebintu bibiri ebitacuusika, era omwotoyezya kubbeyera, ekisuubizokye nʼekirayiro. Nʼolwekyo iswe abairukiire egyali okunoonia obutyami mwiye twiramu ino amaani okwekalangulira omu bukakafu bwʼokusuna ekyo ekitunuwirira okusuna.

Yaakobbo 1:12

Yeesiimire ino omuntu oyo aguminkiriza omu kiseera kyʼokumukema, olwʼokubba oweyalimala okuwangula, balimuwa obwomi oKibbumba obuyasuubizire abamutaka ngʼengule yʼobuwanguli.

1 Yokaana 1:9

Neye owetubbutula tuti tuli nʼekibbikibbi, iye oKibbumba mwesigwa era iye tiyeekubbira era atusoniya, era nʼatusuuca abakenene okuzwa omu byʼobutali butuukirirye.

ABalamuzi 2:1

Lumo oMalaika wa Musengwa yazwire e Girugaali nʼaniinaniina nʼayaba e Bbokimu, nʼakoba aBaisirairi ati, “Nabatoire omu kyalo kyʼe Misiri ni mbaleeta omu kyalo ekinasuubizire okuwa abazeiza baanywe. Nakobere nti tinalimenya endagaano yange eginakolere nʼainywe,

ABalamuzi 5:31

“Oo Musengwa, oleke abalabebo bonabona bajigirike. Neye oleke abakutaka babbe ooti isana obweribba nga lizwayo omu maani gaalyo.” Awo ekyalo ekyo ni kibba nʼemirembe emyanka 40.