AMateeka 7:7 - Bbaibbuli y'oLugwere

⁷ “OMusengwa yabatakire inywe, era nʼabalonda tirwakubba kiti mwabbaire bangi okukiraku abamawanga agandi; kadi, inywe mwabbaire niinywe eigwanga erikirira nakimo obutono omu mawanga gonagona.

AMateeka 7:7 ပူးပေါင်းရင်းမြစ်များ

EZabbuli 105:12

Babbaire bakaali batono, nga batono ino era nga basenze,

EZabbuli 105:6

inywe eibyaire lya Ibbulaimu omuweereryawe, inywe eibyaire lya Yaakobbo omulondewe.

EZabbuli 115:1

Oo Musengwa, iswe titusaanira ekitiisya, iswe titukisaanira, wazira niiwe okisaanira, olwʼokutakakwo okutakoma nʼobwesigwabwo.

EZabbuli 44:3

Abazeiza baiswe tibawangwire ekyalo ekyo nga bakolesya mpiima gyabwe, era tibasunire obuwanguli nga bakolesya maani gaabwe, neye gabbaire maanigo nʼobwezyebwo, era waabbanga nabo olwʼokubba wabbaire obasiima.

Matayo 7:14

Neye omulyango ogwingira omu bwomi igwo mudiiŋi, era nʼenzira eyabayo ndiiŋi, era abagibona batono.”

Luuka 12:32

“Kale timwatya, nga inywe ekibbula ekityai ekya beegi bange, olwʼokubba oItewaanywe yasiimire era nʼabaikirirya inywe okufugira aamo naye omwigulu.

Abʼe Looma 11:6

OKibbumba yabalonderemu lwʼekisaakye, tirwebyo ebibakolere. Singa yabalonderemu lwʼebyo ebibakolere, ekisaakye kyankubbaire tikikaali kisa.

Abʼe Looma 9:18

Nʼolwekyo, oKibbumba owaataka ati asaasire omuntu kirebe, amusaasira. Era, owaasalawo ati akakanyalye omwoyo gwa muntu kirebe tiyamugondera, agukakanyalya.

Abʼe Looma 9:21

Omubbumbi aale tiweidembe okusalawo okubbumba omu bbumbaye ekyo kyonakyona ekyabba atakire? Ekikoba kiti, tiweidembe okutoola ekimegero ekimo oku bbumba nago nʼasalawo kukibbumbamu kibya ekijolije ekyʼebbeeyi, kaisi ekimegero ekindi ikyo tete nʼakibbumbamu kibya ekitali kijolije ekya laisi?

AMateeka 1:10

OMusengwa iye oKibbumba waanywe abasuucirye bangi, era atyanu muli bangi ooti nkota obwegiri angulu.

AMateeka 10:22

Abazeiza baanywe abaserengetere okwaba e Misiri nga bonabona bali 70 bonkani, atyanu oMusengwa iye oKibbumba waanywe, inywe abasuucirye bangi ino ooti nkota egiri angulu omwibbanga.”

AMateeka 14:2

Ekyo kityo olwʼokubba inywe muli bantu abatukulye eeri oMusengwa iye oKibbumba waanywe. Omu bantu bonabona oku kyalo, oMusengwa yabalonderemu okubba bantube okububwe abaakiraku okutaka.”

AMateeka 4:37

Olwʼokutaka abazeiza baanywe, yabalonderemu inywe abaizukulu baabwe, Iye onanyere nʼabatoola inywe omu Misiri ngʼakolesya obwezyebwe obungi.

1 Yokaana 3:1

Aale mubone okutaka okwo okwʼamaani oItewaiswe okweyatutakiremu. Era olwʼokutakakwe okwo okwʼamaani atweta baanabe, era kaisi dala niiye owetuli. Ekigira abantu abo abatambulira omu mpisa gyʼekyalo nandi ni batutegeera, olwʼokubba yena tibamutegeire.

1 Yokaana 4:10

Era okutaka tikitegeeza nti iswe niiswe otwatakire oKibbumba, wazira iye niiye eyatutakire, era nʼatuma oMwanawe okubba omugaito ogwʼokuwaayo olwʼebibbibibbi byaiswe.