AMateeka 5:2 - Bbaibbuli y'oLugwere

² OMusengwa iye oKibbumba waiswe yakolere na iswe endagaano oku Lusozi oKolebbu.

AMateeka 5:2 ပူးပေါင်းရင်းမြစ်များ

OKuzwa 19:1

Atyanu aBaisirairi ni bazwa e Lefidiimu, era oku lunaku olusooka olwʼomweri ogwokusatu okuzwa ngʼowebazwire omu kyalo kyʼe Misiri, ni batuuka omwidungu lyʼe Sinaayi. Era eeyo ni bakomeka eweema gyabwe okumpi nʼoLusozi oSinaayi.

OKuzwa 24:8

Awo oMusa nʼatoola omusaaye oguli omu matiba, nʼaguswankira oku bantu, kaisi nʼakoba ati, “Gunu niigwo omusaaye ogukakasa endagaano oMusengwa egyakolere na inywe omu bibono byonabyona ebyatumwire.”

OKuzwa 34:10

Awo oMusengwa nʼakoba oMusa ati, “Atyanu ndi kukola endagaano nʼaBaisirairi. Omumaiso gaabwe bonabona, nakolanga ebyewunyo ebintakolangaku omu kyalo kyonakyona. Era abantu bonabona ababali okumpi, babonanga ebikulu Nze oMusengwa ebinkola.

AMateeka 1:6

“Nga tuli oku Lusozi oKolebbu, oMusengwa iye oKibbumba waiswe yatumwire na iswe ngʼakoba ati, ‘Ekiseera ekimubbaire oku lusozi lunu kimala.

AMateeka 29:1

Binu niibyo ebibono byʼendagaano oMusengwa egiyalagiire oMusa okukola nʼaBaisirairi omu kyalo kyʼe Mowaabbu, nga bajongera oku ndagaano egiyabbaire akolere nabo oku Lusozi oKolebbu.

AMateeka 4:13

Yabakobere ekimuteekwa okukola okukumanga endagaanoye egiyakolere na inywe, ekikoba kiti, nga muteekwa okugonderanga aMateeka eIkumi ageyawandiikire oku bipande ebibiri ebyʼamabbaale.

AMateeka 4:23

Mwekuume okuteerabira endagaano oMusengwa iye oKibbumba waanywe egiyakolere na inywe; timwekoleranga ekifaananyi ekyʼokusinza ekyʼengeri yonayona, oMusengwa iye oKibbumba waanywe ekiyabagaine.

AMateeka 5:1

Awo oMusa nʼayeta aBaisirairi bonabona, nʼabakoba ati: “Inywe aBaisirairi, muwulire amateeka nʼebiragiro ebimbawa olwatyanu. Mubyege era mwegenderezenge okubituukirirya.