AMateeka 2:9 - Bbaibbuli y'oLugwere

⁹ “Awo oMusengwa nʼankoba ati, ‘Timwabitya kubbikubbi abantu bʼe Mowaabbu, ooba kubaigulaku lutalo, olwʼokubba inywe tinabawe ekitundu kyonakyona oku kyalo kyabwe. Ekyo kityo olwʼokubba nʼawaire abʼeibyaire lya Luuti ekyalo ekibeeta Ali okubba kyabwe.’ ”

AMateeka 2:9 ပူးပေါင်းရင်းမြစ်များ

EZabbuli 83:8

Era nʼAsiiriya yeegaitire nabo, okubbeera eibyaire lya Luuti.

OKubala 21:15

nʼamantyereremuko gʼebiinamo ebyo, okwabira kimo oku kibuga Ali, oku nsalo nʼekyalo kya Mowaabbu.”

OKubala 21:28

“Omusyo gwatumbukiire omu Kesyubboni, gwalunkuumiire omu kibuga kyʼe Sikoni. Gwamalirewo ekibuga Ali omu kyalo kyʼe Mowaabbu, ni gujigirica abatyami bʼoku nsozisozi gyʼoku Mwiga Alunoni.

OKubala 22:4

Awo aBamowaabbu ni bakoba abeekubbemberi bʼaBamidiyaani bati, “Atyanu oguziima ogwo gwaba okumalawo byonabyona ebitweruguuliriirye, ooti nte akaavuula eisubi omu kigona.” Awo oBbalaki omutaane wa Zipoli, era eyabbaire okabaka wa Mowaabbu omu kiseera ekyo,

AMateeka 2:29

nga abʼeibyaire lyʼEsawu ababba omu Seiri nʼaBamowaabbu ababba omwAli owebatukolere; paka owetwambuka omwiga oYoludaani ni twingira omu kyalo oMusengwa iye oKibbumba waiswe ekyatuwa.’

AMateeka 2:5

Tibabaigulaku olutalo, olwʼokubba ibo aBaisirairi tinabaweeku kadi akatyayi kati oku kitundu kyonakyona ekyʼekyalo ekyʼe Seiri ekyo, waire akatundu akʼekigere ekimo, olwʼokubba ekyalo ekyo nakiwaire Esawu okubba kikye kububwe.

ABalamuzi 11:15

ngʼamukoba ati, “ABaisirairi tibanyaganga ekyalo kyʼaBamowaabbu, waire ekyalo kyʼaBaamoni.

ABalamuzi 11:17

Awo ni batuma abakwenda eeri okabaka wʼEdomu okumusaba abaikirirye okubita omu kyalokye. Neye okabaka wʼEdomu tiyaikiriirye. Era ni batuma abakwenda nʼeeri okabaka wʼaBamowaabbu neye yena nʼagaana. Kale aBaisirairi ni balwaku e Kadesi.”

ABalamuzi 11:18

“Oluzwanyuma ni babita omwidungu, ni bagedererya oku nsalo wʼekyalo kyʼEdomu nʼekyʼaBamowaabbu. Babitire e buzwaisana wʼekyalo kyʼaBamowaabbu, ni bakola enkambi oku lubba ludi olwʼomwiga Alunoni. Neye tibabitire omu kitundu kyʼaBamowaabbu olwʼokubba omwiga Alunoni gwabbaire niigwo ensalo yʼaBamowaabbu.”