Abʼe Kolose 3:2 - Bbaibbuli y'oLugwere

² Muteekenge emyoyo gyanywe ku bintu biibyo ebyʼomwigulu, neye tiku bintu byʼoku kyalo.

Abʼe Kolose 3:2 ပူးပေါင်းရင်းမြစ်များ

EZabbuli 62:10

Tiwesiganga eifuge, era tiwesisiijanga olwʼebyo ebyonyagire. Obusunibwo nʼowebweyongera obungi, tobwesiganga.

EZabbuli 91:14

OKibbumba akoba ati, “Nalimununula olwʼokubba antaka. Era namukuumanga olwʼokubba angondera.

ENgero 23:5

Obugaiga oyezya okubbaaku nabwo akaseera katono ni buwaawo, olwʼokubba mazima bubba ooti bumerere biyaya ni buguluka omwibbanga ooti kokomi.

Matayo 16:23

Neye oYesu nʼagaluka nʼalola oku Peetero kaisi nʼamukoba ati, “Onzwe omumaiso, oli Sitaani! Oli kuntigalira okutuukirirya ekyandeetere olwʼokubba ebigendererwa bya Kibbumba tiniibyo ebyofaaku, neye ofa ku byʼabantu!”

Matayo 6:19

Awo oYesu ni yeeyongera okutumula nʼabeegibe ati, “Timwebisiranga obusuni oku kyalo kunu ebiwuuka nʼokutalaga okubyezya okububebenyera, era abaibbi e gibayezya okuvuna ni babwibba.

Luuka 12:15

Awo nʼakoba ababbairewo ati, “Mwekuume okutayayaanira ebintu okwa buli ngeri olwʼokubba obwomi bwʼomuntu tibubbaawo lwʼensunaye eyʼebintu waire nʼobwabba nabyo ebingi bitya.”

Luuka 16:11

Aale owemubba timuli beesigwa omu busuni obwʼoku kyalo, naani eyalibeesiga omu busuni budi obunanyerenyeere obwʼomwigulu?

Abʼe Firipi 1:23

Ekyo kitegeeza kiti kiri kubbanga kigosi nze okusalawo ekyokulondaku ekimo oku bintu binu ebibiri. Neegomba okuzwa omu bwomi bunu obwʼoku kyalo, njabe mbe nʼoKurisito, ikyo ekyo ekikira nakimo obusa.

Abʼe Kolose 3:1

Mwazuukiriire aamo nʼoKurisito omu bwomi bwanywe obwʼomwoyo. Nʼolwekyo muyayanirenge bintu ebyʼomwoyo ebizwa omwigulu egiri oKurisito, egyatyaime nʼoKibbumba omu kifo ekyʼekitiisya eino.

Abʼe Kolose 3:5

Kale mulekewo ebikole ebyʼokwegomba okubbikubbi okwʼomubiri, nga niimwo omuli: Obulendi, nʼokwegaita omu ngeri etali eyʼobutonde, nʼobukaba, nʼokwegomba okwʼensoni, nʼokuyayaanira ebintu ebyʼe kyalo, okwo nga niikwo okusinza ebifaananyi.