Abʼe Kolose 3:1 - Bbaibbuli y'oLugwere

¹ Mwazuukiriire aamo nʼoKurisito omu bwomi bwanywe obwʼomwoyo. Nʼolwekyo muyayanirenge bintu ebyʼomwoyo ebizwa omwigulu egiri oKurisito, egyatyaime nʼoKibbumba omu kifo ekyʼekitiisya eino.

Abʼe Kolose 3:1 ပူးပေါင်းရင်းမြစ်များ

EZabbuli 110:1

OMusengwa yakobere oMusengwa wange ati, “Otyame ngʼondiraine, oku lubba lwange olwʼengalo endiiro, paka owenaligondya abalabebo ni mbasuuca mukonkolo gwʼokuwuumuliryaku ebigerebyo.”

EZabbuli 16:11

Ondagire enzira yʼobwomi. Era olwʼokubba oli na nze wanjizulya eisangaalo. Era nga ndi oku lubba lwʼengaloyo endiiro nʼabba nʼeisangaalo emirembe gyonagyona.

ENgero 15:24

Owʼamalabuki akwata nzira eniina okwaba omu bwomi okumukuuma nandi nʼaika e magombe.

Matayo 22:44

‘OMusengwa iye oKibbumba yakobere oMusengwa wange ati: Otyame ngʼondiraine oku lubba lwange olwʼengalo endiiro, paka owenaligondya abalabebo ni mbasuuca mukonkolo gwʼokuwuumuliryaku ebigerebyo.’ ”

Matayo 26:64

OYesu nʼairamu ati, “Ee, kityo ngʼowookobere. Era mbakobera nywenanywena nti mwalibona oMwana wa Muntu ngʼatyaime nʼoKibbumba omu kifo kyʼekitiisya eino era ngʼaizira oku bireri okuzwa omwigulu.”

Matayo 6:20

Neye mwebisirenge obusuni mwigulu, ebiwuuka nʼokutalaga e gibitayezya okububebenyera, era abaibbi e gibatayezya okuvuna ni babwibba.

Matayo 6:33

Neye ekikira nakimo, mwemalirenge mu kunoonia bwakabaka bwa Kibbumba era nʼebyataka mukole, kaisi era musune byonabyona ebyo ebimwetaaga.

Maako 12:36

ODawudi onanyere, oweyabbaire ngʼaizwire oMwoyo oMutukulye, yakobere ati: ‘OMusengwa iye oKibbumba yakobere oMusengwa wange ati: Otyame ngʼondiraine oku lubba lwange olwʼengalo endiiro, paka owenaligondya abalabebo ni mbasuuca mukonkolo gwʼokuwuumuliryaku ebigerebyo.’

Maako 14:62

Awo oYesu nʼairamu ati, “Ee ninze. Era mwalibona oMwana wa Muntu ngʼatyaime nʼoKibbumba omu kifo kyʼekitiisya eino, era ngʼaizira oku bireri okuzwa omwigulu.”

Maako 16:19

Awo oMusengwa oYesu oweyamalire okutumula nabo, ni bamutwala omwigulu, nʼatyama nʼoKibbumba omu kifo kyʼekitiisya eino.

Luuka 12:33

Aale mutunde ebintu byanywe, kaisi empiiya egizwamu mugabire abadoobi. Omu ngeri eyo mwabba mwekoleire emigoba omwigulu igyo egitanyiirika, era nga mwekoleire nʼobusuni obutawaawo eedi omwigulu, iyo omwibbi e gyatatuuka, era e nambula kadi biwuuka ebyezya okububebenya.

Luuka 20:42

NgʼoDawudi onanyere, omu kitabo kya Zabbuli yakobere ati: ‘OMusengwa iye oKibbumba yakobere oMusengwa wange ati: Otyame ngʼondiraine oku lubba lwange olwʼengalo endiiro,

Luuka 22:69

Neye okuzwa atyanu, oMwana wa Muntu ayaba okutyama nʼoKibbumba omu kifo kyʼekitiisya eino.”

Bikole 2:34

Dala okabaka oDawudi tiyabbaire yeetumulaku niiye onanyere, olwʼokubba iye tibamuniinisirye omwigulu ngʼowekyabbaire oku Yesu. Tete era onanyere yatumwire biinu oku Yesu ati, ‘OMusengwa iye oKibbumba yakobere oMusengwa wange ati: Otyame ngʼondiraine oku lubba lwange olwʼengalo endiiro

Bikole 7:55

Neye oSitefaano, eyabbaire omu kaseera ako aizwire amaani ga Mwoyo oMutukulye, nʼalola omwigulu, nʼabona ekitiisya kya Kibbumba nga kimesyamesya, era nʼoYesu ngʼayemereire aamo nʼoKibbumba omu kifo kyʼekitiisya eino.

Abʼe Looma 8:34

Kaisi aale naani ayezya okubasingisya omusango? Mpaawo, olwʼokubba oKurisito oYesu eyankakolere ekyo, iye eyafiire era okusingira nakimo eyazuukiire, atyaime mu kifo ekyʼekitiisya eino okulirana oKibbumba era atuwozererya.

Abʼe Looma 8:6

Okuyayaanira ebintu omubiri ebigutaka kizweramu omuntu okufa, neye okuyayaanira ebintu oMwoyo wa Kibbumba ebyataka niikyo ekireetera omuntu obwomi nʼeidembe.

2 Abʼe Kolinso 4:18

Era olwʼekyo ebiseego byaiswe titubiteeka ku bintu nago ebyo ebiboneka atyanu, neye tubiteeka ku biidi nago ebitaboneka. Ekyo kityo olwʼokubba ebintu ebyo ebiboneka, bibbaawo kaseera-buseera, neye ebyo ebitaboneka, ibyo bibbeerererawo mirembe nʼemirembe.

AbʼEfeeso 4:10

OKurisito oyo eyaikire, niiye oyo eyaniinire e ngulu eino, era nʼayaba omu kifo ekikira obukulu omwigulu mwonamwona, kaisi okufugakwe kwezye okubbambagira omwibbanga mwonamwona.

AbʼEfeeso 5:22

Inywe abakali mugonderenge abaibaanywe, ngʼowemugondera oMusengwa,

Abʼe Kolose 2:20

Inywe mwafeereire aamo nʼoKurisito eeri enkola egyʼekyalo era ni muwunuka obwezye obwʼemizimu, obwo obufuga ekyalo. Kale lwaki tete mwebitya ooti bantu abo ekyalo egikikaali kifuga, kaisi ni mwikirirya ikyo okubawa ebiragiro ooti biinu:

Abʼe Kolose 3:2

Muteekenge emyoyo gyanywe ku bintu biibyo ebyʼomwigulu, neye tiku bintu byʼoku kyalo.

AbʼEbbulaniya 1:13

Neye aale naani oku bamalaika oKibbumba ogwakobangaku ati: “Otyame ngʼondiraine oku lubba lwange olwʼengalo endiiro, paka owenaligondya abalabebo ni mbasuuca mukonkolo gwʼokuwuumuliryaku ebigerebyo?”

AbʼEbbulaniya 1:3

Mwiye niimwo okwasya kwʼekitiisya kya Kibbumba omu kweraga, era mwiye mutubonera enfaanana ya Kibbumba enanyere. Niiye abbesyawo buli kimo nʼamaani gʼekibonokye. Oweyamalire okutunaabyaku ebibbibibbi byaiswe, nʼatyama omwigulu nʼoKibbumba onyere oBwezye omu kifo kyʼekitiisya eino.

AbʼEbbulaniya 10:12

Neye oKurisito yeewaireyo ngʼesadaaka lumo lwonkani, neye ngʼemala-bumali okusasulira ebibbibibbi ebiseera byonabyona, kaisi nʼatyama nʼoKibbumba omu kifo kyʼekitiisya eino.

AbʼEbbulaniya 12:2

nga tumaliire ebiseego byaiswe byonabyona ku Yesu yenkani. Okwikirirya kwaiswe kwemereirewo ku niiye, okuzwera nakimo oku ntadiika paka ku nkomerero yaakwo. OYesu oyo, olwʼeisangaalo eriyamaite ati yasuna ngʼamalire okufa, yagumiire okufeera oku musalabba, nandi nʼatya okuswala. Atyanu atyaime aamo nʼoKibbumba omu kifo ekyʼekitiisya eino.

AbʼEbbulaniya 8:1

Ekikulu omu bintu ebitukoba niikyo kinu; okabona akira obukulu ogutuli naye atyo wayagaagana, era atyaime eeyo omwigulu aamo nʼoKibbumba onyere oBwezye omu kifo kyʼekitiisya eino.

1 Peetero 3:22

Era oYesu nago yaniinire omwigulu, era aliraine oKibbumba oku lubbaalwe olwʼengalo endiiro, era oYesu ngʼafuga abamalaika, nʼebyobwezye era nʼebyʼamaani.