AbʼEfeeso 6:2 - Bbaibbuli y'oLugwere

² EKiwandiike kikoba kiti, “Oiteewo nʼomaawo obawenge ekitiisya,” era ngʼomu biragiro ebiriku ebisuubizo eeri oyo abituukirirya, ekyo niikyo ekisooka, nga kiriku ekisuubizo kiti,

AbʼEfeeso 6:2 ပူးပေါင်းရင်းမြစ်များ

OKuzwa 20:12

“Oiteewo nʼomaawo obawenge ekitiisya, kaisi owangaale ino omu kyalo Nze oMusengwa iye oKibbumbawo ekinkuwa.”

ENgero 20:20

Atumula ebisongolye okwiteeye ooba oku maaye, obwomibwe bwaligotawo ooti itaala eribalikiirye omu ndikiirya ozigizigi.

Abʼe Looma 13:7

Aale atyanu abafuga bonabona mubawenge ebyo ebimuli nʼokubawa, asolooja omusolo mugumuwe, nʼasolooja empooza mugimuwe, nʼogumuli nʼokutya mumutye, nʼogumuli nʼokuwa ekitiisya mukimuwe.

AbʼEfeeso 6:3

“Kaisi obbenge kusani, era nʼowangaalira oku kyalo.”

AMateeka 27:16

“ ‘Nabuli ayanyoomanga oiteeye ooba omaaye, yasunanga ekiraami.’ ” “Awo abantu bonabona ni bairamu bati, ‘Amiina.’ ”

AMateeka 5:16

“ ‘Oiteewo nʼomaawo obawenge ekitiisya, nga Nze oMusengwa iye oKibbumbawo owenkulagira, kaisi owangaale era obbe kusani omu kyalo ekinkuwa.’ ”

1 Temuseewo 5:4

Onamwandu owaabba nʼabaana ooba abaizukulu, abaana ooba abaizukulu abo, okusookera nakimo, bali nʼokwega okutuukirirya oKibbumba ebyalagira oku kyʼokulabirira abʼomu kisito kyabwe. Omu kukola ekyo, babba baliku nʼekibasasula ababyaire baabwe ooba abazeiza baabwe, olwʼokubba ekyo oKibbumba kyasiima.