AbʼEfeeso 5:4 - Bbaibbuli y'oLugwere

⁴ Era tiwateekwa kubbaawo atumula ebyobwemu, waire ebyʼobusiru ooba okumonca okubbikubbi, olwʼokubba tibisaana, wazira mwebalyenge Kibbumba olwʼebyo ebyakolere.

AbʼEfeeso 5:4 ပူးပေါင်းရင်းမြစ်များ

EZabbuli 33:1

Abatuukirirye nywenanywena musangaale olwʼebyo oMusengwa ebyakola, mumuwuuje inywe abʼemyoyo emirongoole.

EZabbuli 92:1

Oo Musengwa, kisa okukwebalyanga, nʼokwemba okukuwuujanga iwe oNambulaku aMwagaagana.

ENgero 12:23

Omuntu omutegeeri tatumulyaga nabuli kyamaite, neye abasirusiru balalaasa busirusiru bwabwe.

ENgero 15:2

Owʼamalabuki atumula ebyʼobutegeeri, neye omusirusiru awolompoka byʼobusirusiru.

ENgero 26:19

kityo wekibba nʼomuntu abbeya omwinaye, kaisi nʼakoba ati, “Mbaire nsaaga-busaagi.”

Maako 7:22

nʼobuluvu, nʼenkwe, nʼebikole ebibbibibbi ebya buli ngeri, nʼobubbeyi, nʼengongi, nʼokusibirirya oku bantu, nʼokwekudumbalya, nʼobusirusiru.

Yokaana 6:23

Awo ni wabbaawo amaato agandi agazwire e Tibberiyo, ni gatuuka okumpi nʼekifo ekyo nago abantu owebaliriire obugaati, ngʼoMusengwa oYesu amalire okwebalya oKibbumba.

Abʼe Looma 1:28

Era olwʼokubba tibakitwala bati kikulu okusigala nga basinza oKibbumba, kagira yena abalekere okudankaana okutuuka nʼokukolanga nʼebitasaaniire.

2 Abʼe Kolinso 1:11

Kale nywena mutubbeere nga mutusabira era olwʼesaala egyo egyʼabantu abangi oKibbumba yalituwa enkabi, era abantu bangi ni beebalya oKibbumba okulwaiswe.

2 Abʼe Kolinso 9:15

OKibbumba yeebale olwʼekirabokye ekyo ekyewunyisya.

AbʼEfeeso 1:16

tindekerangaawo okwebalya oKibbumba okulwanywe. Mbeebukirya era ni mbasabira,

AbʼEfeeso 4:29

Timuganyanga okubbunguula okuzwa omu minwa gyanywe, wazira mutumulenge ebyo byonkani ebisa ebyombeka ebiseego era ebisaaniire, kaisi awo bigase abo ababiwulira.

Abʼe Firipi 4:6

Timweraliikiriranga olwʼekintu kadi kimo, neye omu mbeera yonayona musabenge oKibbumba era mumwegairirenge, era mumwebalyenge, era ebimutaka mubimusabenge niiye.

Abʼe Kolose 3:8

Neye atyanu binu byonabyona mubireke: Obusungu, nʼenkwe, nʼococo, nʼokusibirirya oku bantu, era nʼokwemula, ibyo tibyazwanga omu munwa gwanywe.

1 Abʼe Sesalonika 3:9

Kale oKibbumba twamuwa niki okumwebalya olwʼeisangaalo erituli nalyo omumaisoge okulwanywe?

1 Abʼe Sesalonika 5:18

Mu buli mbeera mumwebalyenge, olwʼokubba ekyo inywe ngʼabantu ba Kurisito Yesu, oKibbumba kyataka mukolenge.

Firimooni 1:8

Kale newankubbaire nze, ngʼomuweererya wa Kurisito, nandyezyerye okukulagira ekyosaaniire okukola,

AbʼEbbulaniya 13:15

Kale tuwengeyo eeri oKibbumba esadaaka eyʼokumuwuuja, nga tugibitya mu Yesu, nga bulijo tubbutula tuti oKibbumba niiye oMusengwa.

2 Peetero 2:18

Ekyo kityo olwʼokubba ibo batumula ebibono ebyʼokwepanka neye nga mpaamu makulu, era bagambirirya abantu abankaikirirya oKurisito ni babaleetera okwabira oku kwegomba kwʼemibiri gyabwe okwo okwʼobulendi.

2 Peetero 2:7

Atyo oKibbumba era Yalamirye oLuuti eyabbaire atuukiriire, era eyabbaire yeeyanikire omwoyo olwʼebikole ebyobulendi ebyʼabantu abo abakolanga ebibbibibbi.

Yuda 1:10

Cooka ibo abeegesi bʼobubbeyi abo bakolokota buli kintu kyonakyona ekibatategeera. Ibo beebitya ooti bisolo ibyo ebitaseega kale beekolera kiidi emitwe gyabwe ekigibawa, kaisi ngʼebintu ebyo niibyo ebigira ni bajigirika.

Yuda 1:13

Era abantu abo babulaku obukuumi ooti mayengo gʼoku nyanza, kaisi batyo nakimo ngʼamayengo owegazwamu eifulo erifuduuki bona ebikole byabwe ebibazwamu byʼensoni. Era endungamya yaabwe tinteereeri ooti nkota egindi egitambula gityogityo egiteezya okubba endagirira yʼomuntu, era ibo babategekeire kifo kyʼendikiirya eyʼamaani egibateekwa okubba emirembe nʼemirembe.