AbʼEfeeso 5:23 - Bbaibbuli y'oLugwere

²³ olwʼokubba omusaiza niiye omutwe gwʼomukali, ngʼoKurisito obwali omutwe ogwʼekanisa, nga niigwo omubirigwe, era nga niiye omulokoli wʼomubiri nago.

AbʼEfeeso 5:23 ပူးပေါင်းရင်းမြစ်များ

Bikole 20:28

Mwekuume inywe abananyere, era mukuume nʼabantu bonabona abo oMwoyo oMutukulye abeyabakwatisirye ati mulabirire. Mubbe baliisya bʼekanisa oKibbumba egiyagulire na musaayegwe igwo ogunanyere.

1 Abʼe Kolinso 6:13

Era abamo kwinywe mwezya okukoba muti, “Ebyokulya babibbumbiire kida, nʼekida bakibbumbiire byokulya.” Niiye owekiri, neye mukimanye muti byonabyona oKibbumba yalibitoolawo. Era omubiri tiguliwo kukola bulendi, neye guliwo lwʼokuweererya Musengwa, era niiye agufuga.

AbʼEfeeso 4:15

Neye twabba tutumulanga byʼamazima nga tutumula mu ngeri eraga okutaka, kaisi olwo tukule omu bintu byonabyona era nga tweyongera okutuukirira omu kubba ekintu ekimo nʼoKurisito, oyo omutwe gwaiswe swenaswena abaikirirya.

AbʼEfeeso 5:24

Ngʼekanisa owegondera oKurisito, nʼabakali batyo webasaana okugonderanga abaibaabwe omu bintu byonabyona.

Abʼe Kolose 1:18

Era ekanisa niigwo omubirigwe, era iye niiye omutwe gwayo. Iye niiye awa abamwikirirya obwomi, omubere omu bazuukira, kagira abba niiye akirira nakimo byonabyona.

1 Abʼe Sesalonika 1:10

Era balonsya ngʼowemukuumiriire oMwanawe okwira ngʼazwa omwigulu, oguyazuukizire, nga niiye oYesu atulamya obusungu bwa Kibbumba obwaba okwiza.

Kubiikula 19:7

Tusangaale, tujaagaane, era tumuwe ekitiisya, olwʼokubba ekiseera ekyʼobugole obwa Ntaamawe kituukire, era omugolewe yeetegekeire obugole.

Kubiikula 5:9

Ni bemba olwembo oluyaaka nga bakoba bati: “Osaaniire okutoola omuzingo ogwʼekitabo, nʼokumoonolola obuzebbo bwagwo. Ekyo kityo olwʼokubba bakwitire, era olwʼokufaakwo, wanunuliire oKibbumba abantu omu bika byonabyona, nʼomu ntumu gyonagyona, nʼomu bantu bonabona, nʼomu mawanga gonagona,