AbʼEfeeso 5:22 - Bbaibbuli y'oLugwere

²² Inywe abakali mugonderenge abaibaanywe, ngʼowemugondera oMusengwa,

AbʼEfeeso 5:22 ပူးပေါင်းရင်းမြစ်များ

ENtandiika 3:16

OKibbumba nʼakoba omukali iye ati, “Nakwongera nakimo ino obulumi omu kubyala. Owewaabbanga obyala waabbanga nʼobulumi. Weegombanga oibaawo nʼakubba kumpi, neye era yakufuganga.”

Eseza 1:20

Awo eiteekalyo kabaka owebalibunisya omu bufugibwo bwonabwona, omu bwakabakabwo bunu obunene obutyo, nabuli mukali yaawanga oibaaye ekitiisya, oibaaye ooba musuni ooba mudoobi.”

Eseza 1:22

Eiteeka eryo ni baliweererya mu buli kitundu ekiri omu matwale ga kabaka, omu lutumu nʼomu mpandiika eya buli kitundu, kyezesye nabuli musaiza okufuga omu kisitokye era nʼokukolesya olutumulwe.

1 Abʼe Kolinso 14:34

Abakali bali nʼokusirikanga busiriki omu nkumbaana gyʼekanisa. Ekyo kityo olwʼokubba tibabaikirirya okutumula, era bali nʼokubba mu kugonda, nga nʼaMateeka ga Musa gona owegakoba.

AbʼEfeeso 5:22

Inywe abakali mugonderenge abaibaanywe, ngʼowemugondera oMusengwa,

AbʼEfeeso 6:5

Inywe abagalama, muwulirenge abasengwa baanywe abʼoku kyalo kunu nʼokubawanga ino ekitiisya, omunambulamu bubbeyi, era ngʼowemuwulira oKurisito.

Abʼe Kolose 3:1

Mwazuukiriire aamo nʼoKurisito omu bwomi bwanywe obwʼomwoyo. Nʼolwekyo muyayanirenge bintu ebyʼomwoyo ebizwa omwigulu egiri oKurisito, egyatyaime nʼoKibbumba omu kifo ekyʼekitiisya eino.

Abʼe Kolose 3:18

Inywe abakali mugonderenge abaibaanywe, ngʼabaikirirya oMusengwa waiswe owebasaaniire okukola.

Tito 2:5

Obeegesyenge okubba bantu abeefuga, nʼababulaku akamogo. Babbenge bantu abakola okusani emirimo omu bisito byabwe, era abeegendereza, nʼabakuuma ebyama byʼomu nyumba. Era babbenge tibalendi, abamaite okutuukirirya emirimo gyabwe omu kisito, era abagondera abaibaabwe, kaisi awo abataikirirya oYesu bakayenge awokusinzirira okuzumirira ekibono kya Kibbumba.