AbʼEfeeso 5:19 - Bbaibbuli y'oLugwere

¹⁹ Mulonseryenge omu bibono byʼeZabbuli, nga mwiryanganamu amaani nʼomu nyembo egizwa omu Biwandiike, nʼomu biyiiye oMwoyo ebyabawa okuyiiya. Mwemberenge oMusengwa, nga musaalaania amagono nʼomwoyo gwanywe gwonagwona.

AbʼEfeeso 5:19 ပူးပေါင်းရင်းမြစ်များ

EZabbuli 147:7

Mwembere oMusengwa nga mumuwuuja, mwembere oKibbumba waiswe nga mukubba otongoli.

EZabbuli 62:8

Bantu bange, mwesigenge oKibbumba nabuli kiseera. Mumukoberenge niiye ebigosi byanywe byonabyona, olwʼokubba niiye ekiirukiro kyaiswe.

EZabbuli 86:12

Oo Musengwa iwe oKibbumba wange, nakuwuujanga nʼomwoyo gwange gwonagwona. Nagulumalyanga eriinalyo emirembe gyonagyona.

EZabbuli 95:2

Oleke twabe omumaisoge tumwebalye, era tubbookooke enyembo egyʼokumuwuuja.

Matayo 15:8

‘Abantu banu bampa ekitiisya mu bibono-bubono, neye emyoyo gyabwe gimbulaku.

Matayo 26:30

Awo owebamalire okwemba olwembo olwʼokuwuuja oKibbumba, ni bawuluka ni baaba oku Lusozi olwʼeMisaale eMizaituuni.

Bikole 16:25

Obwire obwo ooti-so mu kiire aakati, oPawulo nʼoSiira babbaire mu kusaba nʼokwemba enyembo egiwuuja oKibbumba, abasibe abanaabwe abandi ibo nga webabawulisisya.

1 Abʼe Kolinso 14:15

Kale owekibba nga kityo nkole niki? Ntaka omwoyo gwange gusabe oKibbumba nga nkolesya ebibono ebintegeera. Era omwoyo gwange gwembe, nga nkolesya ebibono ebintegeera.

1 Abʼe Kolinso 14:26

Kale boluganda, kinu niikyo ekimuli nʼokukolanga. Owemukumbaana okusinza oKibbumba, omoiza ayezya okubba nʼolwembo. Iye ogondi ayezya okubba nʼokwegesya. Kaisi ogondi iye nʼatumula Kibbumba ekyamubiikuliire, nʼogondi nʼatumula omu ntumu gyʼoMwoyo oMweru kaisi ogondi nʼagivuunula. Ebyo byonabyona muteekwa okubikolanga lwʼokugasa kanisa.

Abʼe Kolose 3:16

Ekibono kya Kurisito, omu busuni bwakyo bwonabwona, kityamire nakimo omunda mwinywe era kirungamyenge ebintu byonabyona ebimutumula nʼebimukola. Era mwegesyanganenge ni mulabulangana omu malabuki gonagona. Nga mwizwire okwebalya omu myoyo gyanywe, mwemberenge oKibbumba eZabbuli, nʼenyembo egyʼebika ebitali bimo oMwoyo egyabawa okuyiiya.

Yaakobbo 5:13

Mwinywe waliwo alaada? Yeegairire oKibbumba. Waliwo asangaire? Ayembe ebyokuwuuja oKibbumba.

Kubiikula 5:9

Ni bemba olwembo oluyaaka nga bakoba bati: “Osaaniire okutoola omuzingo ogwʼekitabo, nʼokumoonolola obuzebbo bwagwo. Ekyo kityo olwʼokubba bakwitire, era olwʼokufaakwo, wanunuliire oKibbumba abantu omu bika byonabyona, nʼomu ntumu gyonagyona, nʼomu bantu bonabona, nʼomu mawanga gonagona,