AbʼEfeeso 5:14 - Bbaibbuli y'oLugwere

¹⁴ olwʼokubba ekitangaala ekyo niikyo ekimoleka ebintu ni biboneka. Kagira bakoba bati, “Olamuke iwe agonere omu bwomi bwʼekibbikibbi, ozwe omu ndoolo ozuukire, kaisi oKurisito amoleke ekitangaalakye omu bwomibwo.”

AbʼEfeeso 5:14 ပူးပေါင်းရင်းမြစ်များ

Luuka 1:78

olwʼokubba oKibbumba waiswe aizwire ekisa. Era olwʼekisa ekyo yalitucaalira ngʼamoleka nakusani ooti isana eryankuzwayo,

Luuka 15:24

olwʼokubba omwana wange onu yabbaire afiire, neye airiwire; yabbaire agotere, neye abonekere.’ Kale awo ni batandiika okujaagaana.

Yokaana 8:12

OYesu tete oweyabbaire atumula nʼabantu, yabakobere ati, “Ninze ekitangaala ekimolekera abantu. Era buli ansengererya tatambulirenge omu ndikiirya, wazira namulungamyanga omu nzira ereeta obwomi.”

Yokaana 9:5

Cooka nze nga nkaali ndi oku kyalo, ninze ekitangaala ekimolekera abantu.”

Bikole 13:47

Nti ekinyere ekyo niikyo oMusengwa ekiyatulagiire okukola oweyakobere ati: ‘Nkulondere obbe ngʼekitangaala ekyaka nʼeeri aBatali Bayudaaya, kaisi obbe kisinde omunabitira okutuuca eeri buli muntu aali oku kyalo, obukwenda obukwata oku ngeri egibayezya okulokoka.’ ”

Abʼe Looma 6:13

Era, timwaganya kitundu kyʼemibiri gyanywe waire kimo, okukikolesya okutuukirirya ebikole ebibbibibbi. Wazira, mwedembule eeri Kibbumba, olwʼensonga eti, muli bantu abazwire omu kufa ni mwira omu bwomi obuyaaka. Era, muweeyo buli kitundu kyʼemibiri gyanywe egyali abikolesyenge okutuukirirya ebikole ebyasiima.

1 Abʼe Kolinso 15:34

Aale mweireku era mulekeraawo okukola ebikole ebibbibibbi. Ekyo kityo olwʼokubba abamo kwinywe timumaite oKibbumba. Ekyo nkitumula kuswaza niinywe.

2 Abʼe Kolinso 4:6

Ekyo kityo olwʼokubba oKibbumba eyalagiire ati, “Oleke ekitangaala kyake omu ndikiirya,” atyanu niiye ayakisya ekitangaala omu myoyo gyaiswe, olwʼokuleetera abantu okumanya bati ekitiisyakye kibonekera mu Yesu Kurisito.

AbʼEfeeso 2:1

Inywe mwabbaire bantu abafu omu myoyo gyanywe olwʼobujeemu nʼolwʼebibbibibbi byanywe.

AbʼEfeeso 2:5

owetwabbaire nga tufeereire omu bujeemu bwaiswe tutyo, oKibbumba yatuwaire obwomi obuyaaka obutawaawo olwʼokubba ekintu ekimo nʼoKurisito. Tutyo ni tusuna okulokoka lwʼekisa-busa kya Kibbumba.

Abʼe Kolose 3:1

Mwazuukiriire aamo nʼoKurisito omu bwomi bwanywe obwʼomwoyo. Nʼolwekyo muyayanirenge bintu ebyʼomwoyo ebizwa omwigulu egiri oKurisito, egyatyaime nʼoKibbumba omu kifo ekyʼekitiisya eino.

1 Abʼe Sesalonika 5:6

Kale tuleke okubba omu bwomi bwa kugona, nga titufaayo oku bintu oKibbumba ebyataka, ngʼabantu abataikirirya oYesu owebakola. Neye tubbe nga tubonia omu kwetegekera okwira kwa Musengwa, era nga tuli bantu abeegendereza.

2 Temuseewo 1:10

Atyanu ekisa ekyo nago kyabbutukiire mu kuboneka kwa Mulokoli waiswe oKurisito oYesu, eyatoirewo okufa, nʼaleeta obwomi obutawaawo, ngʼabita omu Mawuliro aMasa.

2 Temuseewo 2:26

Awo babba bazwa omu lutuula oSitaani oluyabakwatiiremu nʼasigala ngʼabakolesya ebyataka, olwo nga niikyo ekibbikibbi.