AbʼEfeeso 5:10 - Bbaibbuli y'oLugwere

¹⁰ Kale mwefengeku okumanya ebintu oMusengwa ebyasangaalira era mubikole.

AbʼEfeeso 5:10 ပူးပေါင်းရင်းမြစ်များ

EZabbuli 19:14

Nsaba ebibono byange nʼebiseego byange obisiime. Musengwa niiwe eibbaale lyange omu neebisa, era niiwe omununuli wange.

ENgero 21:3

Okukola ekituuce era ekyobwenkanya, oMusengwa kyasiima okukiraku esadaaka.

Abʼe Looma 14:18

Aweererya atyo oKurisito, asangaalya ino oKibbumba, era abantu bamusiima.

Abʼe Firipi 1:10

Ekyo kityo olwʼokubba ntaka mumanyice ekikira obusa kaisi mwezye okubba nʼobwomi obukenene era ababulaku ekyokubanenya paka olunaku oKurisito Yesu oluyaliiriraku.

Abʼe Firipi 4:18

Era atyanu mmalire okusuna aate ebingi. Era ndi nʼebyokukolesya ebimmala atyanu nga mmalire okusuna ebirabo ebimwawaire Epafuladiito okundetera. Ebirabo ebyo biri ooti sadaaka eyʼakaloosa, iyo egibaikirirya, era iyo esangaalya oKibbumba.

Abʼe Kolose 1:10

Olwo kaisi mwezye okubba omu bwomi oMusengwa obwasiima, nga mumusangaalya omu ngeri gyonagyona era nga mweyongera okumanya oKibbumba. Era mwezya okubba abʼomugaso omu bintu ebisa ebimukola, era mweyongeranga okumanya oKibbumba.

1 Abʼe Sesalonika 5:21

Mwekalisisyenge buli kintu, mugumirenge oku kisa,

1 Temuseewo 2:3

Owemukola mutyo kibba kisa, era oKibbumba oMulokoli waiswe, iye ataka abantu bonabona balokoke era bamanye amazima, kyasiima.

1 Temuseewo 5:4

Onamwandu owaabba nʼabaana ooba abaizukulu, abaana ooba abaizukulu abo, okusookera nakimo, bali nʼokwega okutuukirirya oKibbumba ebyalagira oku kyʼokulabirira abʼomu kisito kyabwe. Omu kukola ekyo, babba baliku nʼekibasasula ababyaire baabwe ooba abazeiza baabwe, olwʼokubba ekyo oKibbumba kyasiima.

AbʼEbbulaniya 12:28

Kale ngʼowetwaingiire omu bwakabaka obubateezya kutengeetya, twebalyenge oKibbumba, era tumusinzenge ngʼoweyasiimire, nga tumuwa ekitiisya era nga tumutya,

1 Peetero 2:20

Neye aale kikugasa kitya singa bakukubba olwʼokukola ekisobyo kaisi era nʼogumira? Neye aate ikyo kyesiimisya oKibbumba singa ogumira okugada nga lwʼokukola bisa.

1 Peetero 2:5

Era atyanu nywena muli ooti mabbaale amoomi, agebali kukolesyanga omu kwombeka enyumba eyʼomwoyo. Nʼekindi kiri kiti, muli kibbula kyʼabakabona abatukulye, era olwʼobubbeeri bwa Yesu Kurisito inywe muwaayo esadaaka egisangaalya oKibbumba.

1 Samwiri 17:39

ODawudi ni yeesiba empiimaye oku kizwalokye nago, ni yeegezyakuumu okutambula, neye nandi nʼayezya, olwʼokubba yabbaire tabinaliriire. Awo nʼakoba oSawulo ati, “Timpezya okwabira mu binu, olwʼokubba timbinaririire.” Kale oDawudi nʼabitoolamu.