AbʼEfeeso 4:9 - Bbaibbuli y'oLugwere

⁹ Okukoba ati yaniinire, kitegeeza niki? Kitegeeza kiti yasookere kwika ansi oku kyalo.

AbʼEfeeso 4:9 ပူးပေါင်းရင်းမြစ်များ

ENtandiika 11:5

Awo abantu owebatandiikire okwombeka, oMusengwa nʼaika okubona ekibuga nʼomunaala abantu abo ebibabbaire bombeka.

EZabbuli 139:15

Owebabbaire bakola amagumba gange, nga bannyungayunga omu kida kya mama; owenabbaire nga nkulira eeyo omu mbiso, tikyabbaire kibise egyoli.

EZabbuli 63:9

Abakiiya okunjita balijigirika, balyaba e magombe.

EZabbuli 8:5

Wamukolere, nʼabulaku katyayi kati okwagaagana na iwe Kibbumba, era nʼomutiikira engule eyʼekitiisya nʼokumugulumalya.

OKuzwa 19:20

OMusengwa oweyaikire oku Lusozi oSinaayi, yeetere oMusa okuniina oku nairungu wʼolusozi era oMusa nʼaniinayo.

ENgero 30:4

Naani eyaabireku omwigulu, era nʼaika ansi? Naani eyabbuuniireku empewo omu ngaloye? Naani eyasibiireku amaizi omu kizwalokye? Naani eyateekerewo ensalo eyʼekyalo? Eriinalye niiye onaani, nʼeriina lyʼomutaane niiye onaani? Aale onkobere owoobba omaite.”

Matayo 12:40

Ekyo kityo olwʼokubba ngʼoYona oweyabbaire omu kida kyʼogunyanyi enaku eisatu embeereri, nʼoMwana wa Muntu yena waayaba okubba omwitakali enaku eisatu.”

Yokaana 20:17

Awo oYesu nʼamukoba ati, “Tiwaneevambiryaku olwʼokubba nkaali okukanga egiri oBbaabba. Wazira oyabe egiri abaganda bange obakobere oti, ‘Nkanga egiri oBbaabba era oItewaanywe, oKibbumba wange era oKibbumba waanywe.’ ”

Yokaana 3:13

Mpaawo kwinywe eyabbaire aniinireku omwigulu, wazira iye oMwana wa Muntu oyo iye eyazwereireyo.”

Yokaana 6:33

Ekyo kityo olwʼokubba ekyokulya oKibbumba ekyagaba, niiye oyo oguyatumire okuzwa omwigulu era agabira abantu obwomi obutawaawo.”

Yokaana 6:38

Ekyo kityo olwʼokubba tinaizire okuzwa omwigulu kukola bintaka, neye naizire kukola biibyo oKibbumba oyo eyantumire ebyataka.

Yokaana 6:41

Awo abeekubbemberi bʼaBayudaaya ni beezulugumira oYesu olwʼokubba yakobere ati, “Ninze ekyokulya ekyazwire omwigulu.”

Yokaana 6:51

Nze ninze ekyokulya ekyʼobwomi obwʼomwoyo ekyazwire omwigulu. Era singa omuntu yenayena alyaku ekyokulya ekyo, yalibba mwomi emirembe nʼemirembe. Era ekyokulya ekyo nago, niigwo omubiri gwange ogunaliwaayo olwʼabantu bʼoku kyalo okusuna obwomi bwʼomwoyo.”

Yokaana 6:58

Era ekyo niikyo ekyokulya ekyazwire omwigulu. Ibo abazeiza baanywe baliire emaanu era ni bafa, neye oyo alya oku kyokulya nze ekingaba, yalibba mwomi emirembe nʼemirembe.”

Yokaana 6:62

Kaisi leero mwaliseega mutya owemwalibona oMwana wa Muntu ngʼaniina okukanga omwigulu egiyazwereire!

Yokaana 8:14

Iye oYesu nʼabairamu ati, “Waire nga ninze onyere owenetumulaku, ebintumula bituuce olwʼokubba mmaite eginazwire nʼeginjaba. Neye inywe timumaiteku eginazwire, waire eginjaba.

AbʼEbbulaniya 2:7

Wamukolere nʼabulaku katyayi kati, okwagaagana nʼabamalaika; era nʼomutiikira engule eyʼekitiisya nʼokumugulumalya.

AbʼEbbulaniya 2:9

Wazira ogutubona Yesu, iye oyo ogubakolere nʼabba, okumala akaseera katyayi kati, ngʼabulwaku okwagaagana abamalaika. Era, atyanu niiye ogubatiikiire obugulumali nʼekitiisya olwʼokubba yabitire omu kufa kaisi, olwʼekisa kya Kibbumba, ayezye okufeererera abantu bonabona.