AbʼEfeeso 4:6 - Bbaibbuli y'oLugwere

⁶ Era tuli nʼoKibbumba moiza, oyo oItewaiswe omu mwoyo swenaswena abaikirirya, atukulira swenaswena, akolera mwiswe swenaswena, era abba mwiswe swenaswena.

AbʼEfeeso 4:6 ပူးပေါင်းရင်းမြစ်များ

ENtandiika 14:19

Era nʼamusabira enkabi ngʼakoba ati, “OKibbumba oNambulaku aMwagaagana, era eyabbumbire eigulu nʼekyalo awe oIbbulaamu enkabi.

EZabbuli 95:3

Ekyo kityo olwʼokubba, oMusengwa niiye oKibbumba omukulu, era niiye oKabaka omukulu akira abakibbumba abandi bonabona.

OKubala 16:22

Neye oMusa nʼAlooni ni bafuunama ni baica empumi gyabwe ansi okwitakali ni basaba bati, “Oo Kibbumba, Iwe onanzwa wa bwomi bwonabwona, wasunguwalira abantu bonabona olwʼomuntu omoiza akolere ekibbikibbi?”

Matayo 6:13

Era tiwatuleka okugwa omu bikemo, wazira otulamye eeri omubbimubbi. [Ibwo obwakabaka, nʼobwezye nʼekitiisya bibyo emirembe nʼemirembe. Amiina].’

Matayo 6:9

“Kale atyanu mumusabenge muti, ‘Itewaiswe aali omwigulu, eriinalyo baliwe ekitiisya,

Yokaana 14:23

OYesu nʼamwiramu ati, “Omuntu yenayena antaka, yakwatanga ebibono byange ebimmukoba. Nʼolwekyo oBbaabba yamutakanga era nze nʼoBbaabba twaizanga egyali ni tubbanga aamo naye.

Yokaana 17:26

Era nabamanyikisirye ikyo ekyo ekyoli, era njaba okweyongera okubamanyikisya ikyo ekyo nago, kaisi bona batakenge abantu abandi ooti niiwe owewantakire era kaisi nze mbe kimo nabo.”

Yokaana 20:17

Awo oYesu nʼamukoba ati, “Tiwaneevambiryaku olwʼokubba nkaali okukanga egiri oBbaabba. Wazira oyabe egiri abaganda bange obakobere oti, ‘Nkanga egiri oBbaabba era oItewaanywe, oKibbumba wange era oKibbumba waanywe.’ ”

Abʼe Looma 11:36

Byonabyona byazwire gyali, niiye eyabibbumbire, era byonabyona bibbaawo kumuweererya. Tumuwenge ekitiisya emirembe nʼemirembe. Amiina.”

1 Abʼe Kolinso 12:6

Era waliwo okukola kwʼengeri nyingi omu bantu, neye oKibbumba oyo iye moiza abayezyesya bonabona mu buli kibakola.

1 Abʼe Kolinso 8:6

Neye iswe tumaite kusani tuti oKibbumba ali moiza yenkani era oItewaiswe, Iye eyabbumbire ebintu byonabyona, era iswe tuliwo boomi kululwe. Era waliwo oMusengwa moiza oYesu Kurisito, okubita mwiye ebintu byonabyona babibbumbire, era okubita mwiye tuli nʼobwomi.

2 Abʼe Kolinso 6:16

Era eYeekaalu ya Kibbumba ebbaamu eetya ebifaananyi? Iswe tuli Yeekaalu ya Kibbumba onanyere obwomi eyakobere ati: “Naabbanga mu niibo, era natambulanga nabo. Naabbanga Kibbumba waabwe, era bona baabbanga bantu bange.”

AbʼEfeeso 1:21

Era atyanu afuga emyoyo gyonagyona egifugira omwibbanga, egiri nʼobwezye, nʼamaani, kaisi timu bwomi bwʼoku kyalo kunu bwonkani, neye nʼobwo obwaba okwiza omumaiso.

AbʼEfeeso 2:22

Era mwiye, inywe aBatali Bayudaaya na iswe aBayudaaya oKurisito atwombeka, kaisi swenaswena aamo ni tubba nyumba ya Mwoyo wa Kibbumba egyabba.

AbʼEfeeso 3:17

kaisi oKurisito atyame omu myoyo gyanywe, olwʼokumwikiririryamu kwanywe. Era nsaba nti, nga mukulire ni mucaatira nakimo omu kutaka,

AbʼEfeeso 6:23

Nsaba oKibbumba oItewaiswe nʼoMusengwa oYesu Kurisito babawe inywe aboluganda nywenanywena eidembe nʼokutaka, aamo nʼokwikirirya.

AMateeka 6:4

“Inywe aBaisirairi muwulire. OMusengwa iye oKibbumba waiswe, niiye oMusengwa yenkani.

1 Yokaana 3:24

Kale bonabona abakwata ebiragiro bya Kibbumba babba nʼenkolagana naye era yena abba kintu kimo nabo. Era ekitutegeereraku tuti ali omu myoyo gyaiswe niikyo kinu ekiti: Tukimanyicirya ku Mwoyowe oguyatuwaire.