AbʼEfeeso 4:32 - Bbaibbuli y'oLugwere

³² Wazira mubbenge abʼekisa, era nabuli moiza alumirwenge omwinaye, era musoniyaganenge, ngʼoKibbumba oweyabasoniyire inywe ngʼabitira omu Kurisito.

AbʼEfeeso 4:32 ပူးပေါင်းရင်းမြစ်များ

2 Samwiri 7:21

Olwʼokusuubizakwo nʼolwʼokutakakwo okolere ekintu ekikulu nʼokimmanyikisya nze omuweereryawo.”

EZabbuli 112:9

Agabira abadoobi nʼomwoyo gumo. Era ebikolebye ebyobutuukirirye tibalibyerabira emirembe gyonagyona, bamugulumalyanga ni bamuwa ekitiisya.

EZabbuli 145:9

OMusengwa musa eeri bonabona, era akwatira ekisa ebyo byonabyona ebiyakolere.

ENgero 12:10

Omuntu omutuukirirye alabirira ebisolobye, neye ebyʼekisa omubbimubbi ebyakola, era bibba byʼobukambwe.

ENgero 19:11

Enseega ensa eyʼomuntu emuwa obuguminkiriza; era okutafaayo oku bibamusobyaku kimuweesya ekitiisya.

ENgero 19:22

Ekitakisya omuntu iye kubba nʼokutaka okutakoma; era omudoobi akiraku omubbeyi.

Matayo 6:12

Era otusoniye ebibbibibbi byaiswe, nga swena owetusoniya abatukola ebitulumya.

Maako 11:25

“Era nabuli owemwirya emyoyo gyanywe eeri oKibbumba, owewabbaawo abba akolere ekibalumirirya inywe, mumusoniye, kaisi oItewaanywe aali omwigulu atire abasoniye nywena ebikole byanywe ebibbibibbi. [

Luuka 1:78

olwʼokubba oKibbumba waiswe aizwire ekisa. Era olwʼekisa ekyo yalitucaalira ngʼamoleka nakusani ooti isana eryankuzwayo,

Luuka 11:4

Era otusoniye ebibbibibbi byaiswe, olwʼokubba swena tusoniya nabuli atukola ebitulumya. Era tiwatuleka okugwa omu bikemo, neye otununule okuzwa eeri omubbimubbi.’ ”

Luuka 17:4

Singa akukola ekibbikibbi emirundi musanvu omu lunaku, kaisi nabuli mulundi ngʼaiza egyoli okwenenya, omusoniyenge.”

Luuka 6:35

Neye inywe mutakenge abalabe baanywe, era mubakolerenge ebisa. Mukoopenge nga timufiireyo ooba tibabasasule. Olwo kaisi empeera yaanywe ebbe nene, era mubbe baana ba Kibbumba oNambulaku aMwagaagana, olwʼokubba iye wʼekisa eeri abatasiima nʼababbibabbi.

Luuka 6:37

“Timusaliranga abantu emisango, kaisi nywena mulame oKibbumba okubasalira. Timusaliranga abantu emisango okubasinga, kaisi nywena oKibbumba tiyabasingisya. Singa mwasoniyanga abantu, nywena oKibbumba yabasoniyanga.

Bikole 28:2

Abatyami baaku batulagire ekisa, ni batubitya nakusani. Era olwʼokubba kwabbaire kwa ikendi era nga nʼembeera yʼobwire yʼobuwolondoki bubitiriri, batukumiire ekisiki kya musyo ni batweta swenaswena okwota.

Abʼe Looma 12:10

Mutakanganenge ngʼabantu abʼenyumba emoiza. Buli moiza yeefudengeku okuwa omwinaye ekitiisya.

1 Abʼe Kolinso 13:4

Okutaka kuguminkiriza era kuli nʼekisa. Era okutaka tikubba nʼengongi ooba tikwepanka. Era okutaka tikubba nʼamalala,

2 Abʼe Kolinso 2:10

Era singa musoniya omuntu yenayena, nze zena mmusoniya. Era oKurisito nga niiye omujulizi wange, owekibba kiti dala waliwo ekintu kyonakyona ekyetaaga okusoniya, nkisoniyire okulwanywe.

2 Abʼe Kolinso 2:7

Wazira atyanu inywe, musaaniire kumusoniya nʼokumwiryamu maani, olwʼokubba enima edemba nʼemubitiriraku nʼazweramu nakimo omu kwikirirya.

2 Abʼe Kolinso 6:6

Era tulagire tuti tuli baweererya ba Kibbumba, nga tutambulira omu butuukirirye, era nga tutegeera ekibonokye, era nga tuguminkiriza, era nga tuli nʼekisa, era ngʼoMwoyo oMutukulye atulungamya era nga tuli nʼokutaka okunambulamu bubbeyi.

AbʼEfeeso 5:1

Kale ngʼowemuli baana ba Kibbumba abaataka eino, mwebityenge nga iye,

Yaakobbo 5:11

Era abo abaguminkirizire tubeeta bʼenkabi. Mwawuliire ngʼoYobbu, omwikirirya owʼeira, oweyaguminkirizire. Era mumaite oMusengwa ekiyamukoleire oluzwanyuma, olwʼokubba oMusengwa wʼekisa era asaasira.

2 Peetero 1:7

Era oku kuwa oKibbumba ekitiisya mwongereku okutakangana ngʼaboluganda. Oku kutakangana ngʼaboluganda mwongereku okutaka abantu bonabona.

1 Yokaana 1:9

Neye owetubbutula tuti tuli nʼekibbikibbi, iye oKibbumba mwesigwa era iye tiyeekubbira era atusoniya, era nʼatusuuca abakenene okuzwa omu byʼobutali butuukirirye.

1 Yokaana 2:12

Kale inywe omwankaikirirya era abaana abatake, mbawandiikira olwʼokubba ebibbibibbi byanywe babibasoniyire olwa Yesu.

Luusi 2:20

ONawume nʼakoba omulyawe ati, “OMusengwa oyo atalekeire awo okukwatira aboomi nʼabafu ekisa, amuwe enkabi.” Era nʼayongeraku ati, “Omusaiza oyo atuliku oluganda olwʼokumpi; moiza oku bali nʼobuvunaanyizibwa okwira omu kigere kya ibaawo.”