AbʼEfeeso 4:31 - Bbaibbuli y'oLugwere

³¹ Era ekinakoolo, nʼobuzira nʼobusungu, nʼoyombo, nʼokusibirirya oku bantu, era nabuli kibbikibbi kyonakyona, ebyo timwabikolanga.

AbʼEfeeso 4:31 ပူးပေါင်းရင်းမြစ်များ

ENtandiika 27:41

Awo Esawu nʼacaawa omugandawe oYaakobbo, olwʼenkabi oiteeye egiyasabiire oYaakobbo. Era Esawu nʼakoba omu mwoyogwe ati, “Obbaabba ngonu yatira okufa era owetwamala olumbe kaisi awo njite omuganda wange oYaakobbo.”

ENtandiika 37:21

Neye oLubbeeni oweyawuliire ekyo, ni yeefaaku okulamya oYusufu ngʼakoba ati, “Titwamwita.”

ENtandiika 37:4

Abaganda ba Yusufu owebategeire bati oitewaabwe amutaka okukiraku owabataka ibo, ni bacaawa oYusufu, era nga tibamusugirya omu mwoyo omusa.

ENtandiika 4:8

Awo oKaini nʼakoba Abberi omugandawe ati, “Twabe omu musiri.” Atyanu owebabbaire nga bali eeyo, oKaini nʼagwa oku mugandawe Abberi, nʼamwita.

2 Samwiri 13:22

Neye Abbusalomu nandi nʼatumula nʼAmunooni ekibono kadi kimo ekisa, waire ekibbikibbi. Abbusalomu nʼacaawa Amunooni olwʼokubba yʼakwaite omwonyoko oTamali okalijata.

2 Samwiri 19:27

Era anjonooneserye nze omuweereryawo egyoli musengwa wange kabaka. Neye iwe musengwa wange kabaka, omanya nabuli kimo ooti malaika wa Kibbumba. Kale okole ekyosiima.

2 Samwiri 19:43

Amaje gʼaBaisirairi bona ni bairamu abʼekika kya Yuda bati, “Newankubbaire wʼekika kyanywe, neye iswe tuli ebika ikumi, kale omu Dawudi oyo tuli nʼekyokumusunamu kinene emirundi ikumi nʼokubakiraku inywe. Kale lwaki mutunyooma? Oobanga niiswe otwasookere okuleeta ekiseego ekyokwirya okabaka waiswe oyo.” Neye era amaje gʼekika kya Yuda ni bairamu nʼobukambwe okukiraku amaje gʼaBaisirairi.

EZabbuli 101:5

Nabuli asibirirya oku mwinaye omu mbiso, namujigiricanga. Nabuli owʼamalala era owʼeidumi tinamuguminkirizenge.

EZabbuli 140:11

Tiwaganya abo abali nʼentumula embiibbi okubbaaku nʼe gibabba oku kyalo; oleke ekibbikibbi kiyiigenge mangu abakambwe ni kibajigirica.

EZabbuli 15:3

Era atatumula ebyakalebule, atakola abaliranwabe ebibalumya, era atatumula ekibbikibbi oku bainaye.

EZabbuli 37:8

Tiwasunguwalanga era tiwaabbanga nʼobulwa, era tiwaabbanga wʼensire. Ebyo bizwamu kukola kibbikibbi.

EZabbuli 50:20

Osiiba kutumula wundi ku bagandabo, nʼokucocoomererya baana ba maawo.

EZabbuli 64:3

Bakolesya endimi gyabwe ooti mpiima enjagalye, era bakasuka ebibono ebikambwe ooti bulaso.

ENgero 10:12

Obucaawi buleeta enyombo; neye okutaka kuzweraku okusoniyangana ebibbibibbi byonabyona.

ENgero 10:18

Iye oyo abisa obucaawi, abba mubbeyi; nʼoyo atumula obundi oku mwinaye, abba musirusiru.

ENgero 14:17

Owensire akola bintu byʼobusirusiru; era oyo asalira abainaye enkwe, asuna obucaawe.

ENgero 18:8

Ebibono byʼomugeyi biwooma ino, bingira omuntu ni bimugwa oku mwoyo.

ENgero 19:12

Obulwa bwa kabaka butiisya ooti kululuma kwa mpologoma; neye ekisaakye kiweeweerya ooti lume oluli okwisubi.

ENgero 25:23

Okugeya kuleeta obusungu, ngʼompunga owʼe mambuka owaaleeta oikendi.

ENgero 26:20

Enkwi owegiwaawo omusyo gulikira, kityo nʼowolugambo owaagotawo, oyombo akoma.

ENgero 29:22

Omuntu owʼobusungu, atanula enyombo; nʼowʼekiruyi, agwa omu nsobi nyingi.

ENgero 29:9

Omuntu owʼamalabuki owaayakana nʼomusirusiru, omusirusiru asunguwala nʼamusekerera nandi wabbaawo eidembe.

ENgero 6:19

omujulizi owʼobubbeyi atumulyaga ebyʼobubbeyi, nʼomuntu asiga ebyʼobucaawi omu bainaye.

Bikole 21:30

Awo abantu kumpi ooti bonabona omu kibuga owebawuliire olukero ni beeguluula okwiruka okwaba oku Yeekaalu. Owebatuukire ni bakwata oPawulo, ni bamukinkinuca okumuwuluca e nza wʼoluuga lwʼeYeekaalu. Era owebamalire ekyo, mangu ino ni baigalawo amageeti.

Abʼe Looma 3:14

Era ebibatumula biizwire biraami na bukambwe.

1 Abʼe Kolinso 14:20

Kale boluganda timwabba ooti baana batobato omu nseega gyanywe. Wazira mubbe ooti baana abatobato ababula okumanya kwʼokukola ebikole ebibbibibbi, neye museegenge ooti bantu bakulu omu bwomi bwʼomwoyo.

1 Abʼe Kolinso 5:8

Nʼolwekyo tuli nʼokwebukiryanga bulijo tuti tuli bantu ba Kibbumba. Tuli nʼokulekawo ebikole ebibbibibbi ebitwakolanga eira, ibyo ebyʼeitima, nʼobubbibubbi, neye tukolenge biidi ebisa ebyobutuukirirye, era ebyʼamazima.

2 Abʼe Kolinso 12:20

Ekyo kityo olwʼokubba ntya nti amo owenaliiza eeyo tinalibaajirya ngʼowentaka mubbe era amo zena tinalibba ngʼowemutaka mbe. Era ntya nti amo ni mbaajiryamu oyombo, nʼengongi, nʼobusungu, nʼobwimi, nʼokalebule, nʼolugambo, nʼokwekudumbalya, era nʼakavuuyo.

Abʼe Galatiya 5:20

nʼokusinza ebifaananyi, nʼokuloga, nʼendibo, nʼoyombo, nʼengongi, nʼobusungu, nʼempaka, nʼokutakolera aamo, nʼokweyabulayabulamu,

AbʼEfeeso 4:22

Era babeegeserye ebikwata oku bwomi obwʼekibbikibbi obumwabbairemu, era ni babakoba okulekawo obwomi obwo. Okwegomba okubbikubbi kwaba ni kubbeya omuntu kuti okukola ekibbikibbi kwamugasa neye yeeyaja nga kimutwaire mu kujigirika.

AbʼEfeeso 4:25

Nʼolwekyo, muzwe omu bubbeyi era nabuli muntu akoberenge omwinaye amazima olwʼokubba tuli bitundu bya mubiri gumo.

AbʼEfeeso 4:26

Kale owewabbaawo ekibasunguwalya, mwekuume obusungu obwo okutabakolesya ekibbikibbi. Timwirugalyanga obwire nga mukaali musibire obusungu,

Abʼe Kolose 3:19

Kaisi inywe abasaiza mutakenge abakali baanywe, era timwabakaawuukiranga.

Abʼe Kolose 3:8

Neye atyanu binu byonabyona mubireke: Obusungu, nʼenkwe, nʼococo, nʼokusibirirya oku bantu, era nʼokwemula, ibyo tibyazwanga omu munwa gwanywe.

1 Temuseewo 3:11

Nʼabakali baabwe batyo, bona basaaniire okubba bantu abebawa ekitiisya, abatasibirirya oku banaabwe, abeegendereza, era abeesigwa mu buli kimo.

1 Temuseewo 3:3

Ali nʼokubba nga timunywamwenge, nga tiwʼeikayu, wazira nga muwombeeki, nga timutonganitongani, era nga talulunkanira empiiya.

1 Temuseewo 5:13

Nʼekindi, baleka okukola, ni baira mu kulaaduuka nga baaba kisito ku kisito. Tibabba bagayaali kyonkani, neye batambulya olugambo, ni beingirya omu bintu ebitali byabwe, ni beesakabba nʼebitasaaniire okutumula.

2 Temuseewo 2:23

Weewalenge empaka egya busirusiru, eginambulamu malabuki, olwʼokubba omaite oti gizwamu yombo.

2 Temuseewo 3:3

ababula okutaka, abatasoniya, abasibirirya oku banaabwe, abateefuga nga buli moiza ekyataka kiyeekolera, nga baŋeŋese, era nga tibataka abo abakola ebisa.

Tito 1:7

Ekyo kityo olwʼokubba omulabiriri ngʼobwali muweererya wa Kibbumba ali nʼokubba ngʼabulaku ekyokumunenya, nga tiyeekudumbalya, nga tasunguwala mangu, nga timunywamwenge, nga timukambwe, era nga talulunkanira ebyobusuni.

Tito 2:3

Abakali abakulu bona obeegesyenge otyo. Babbenge nʼempisa egisaanira abantu ba Kibbumba, nga tibasibirirya oku banaabwe, era nga tibagalama bʼomwenge. Bali nʼokwegesyanga bintu ebisa, nga kwoteekere okwebityanga ngʼekyokuboneraku,

Yaakobbo 1:19

Boluganda abatake eino, mumanye kinu muti: Buli muntu abbenge mwangu okuwulira ekibono kya Kibbumba, neye tiyaabbanga muntu abbubbukira okutumula. Era tiyaabbanga muntu anyiiga mangu;

Yaakobbo 3:14

Neye owemubba nʼenge egyʼakabbikabbi omu myoyo gyanywe, era nga buli moiza nga yeetakirya niiye yenkani ebintu ebisa, timwabbeyesyanga. Era timwewaana muti muli balabuki, mutyo ni mwakanisya amazima ga Kibbumba agalaga engeri omwikirirya egyateekwa okwebityamu.

Yaakobbo 4:11

Boluganda, timwatumulanganangaku obundi. Oyo atumula obubbibubbi oku muntu omwinaye, ooba oyo asalira omwinaye omusango, abba abitiryemu amaiso eiteeka lya Kibbumba eryʼokutakangana. Obityamu amaiso eiteeka lya Kibbumba obba otalire eiteeka nago, era ni weesuuca mulamuzi.

1 Peetero 2:1

Nʼolwekyo timwabbanga abʼeitima! Mulekeraawo obubbeyi era nʼobunanfunsi. Timwakwatiranga abantu engongi ooba okubatumulaku okubbikubbi okwa buli ngeri.

1 Yokaana 3:12

Era timubbanga ooti Kaini, iye oyo eyabbaire owa Sitaani, era nʼaita omugandawe. Neye ekyo kyazwire kuuki? Yamwitire olwʼokubba ebikole ebibye iye oKaini byabbaire bibbibibbi, kaisi ebya mugandawe nga ibyo bisa.

1 Yokaana 3:15

Kale nabuli muntu acaawa omwinaye, abba mwiti, kaisi aate nga mumaite muti mpaawo mwiti ali nʼobwomi obutawaawo omunda mwiye.

Kubiikula 12:10

Ni mpulira omwigulu eigono eryaminkirira, nga likoba liti: “Atyanu oKibbumba waiswe atulokoire. Alagire amaanige, nʼobwakabakabwe, nʼobwezye bwa Kurisitowe, olwʼokubba oodi aloopanga abaganda baiswe, era abaloopa omusana nʼobwire omumaiso ga Kibbumba waiswe, bamubbingire omwigulu.