AbʼEfeeso 4:29 - Bbaibbuli y'oLugwere

²⁹ Timuganyanga okubbunguula okuzwa omu minwa gyanywe, wazira mutumulenge ebyo byonkani ebisa ebyombeka ebiseego era ebisaaniire, kaisi awo bigase abo ababiwulira.

AbʼEfeeso 4:29 ပူးပေါင်းရင်းမြစ်များ

EZabbuli 45:2

Oli muŋoono okukiraku abasaiza bonabona, era oli mutumuli omusa, olwʼokubba oKibbumba akuwaire enkabi egyʼenkalaakalira.

EZabbuli 5:9

Abalabe bange ebibono ebibatumula tibyesigika, ekibali oku myoyo ikwo kufafaagania. Ebibono ebiwaana ebibatumula, bifunya ooti kivundi ekizwa omu magombe agebaliikwire.

EZabbuli 52:2

Osala enkwe okujigirica abandi, ebibonobyo bisala ooti kamweso akoogi, bulijo oyiiya ebyʼobubbeyi.

EZabbuli 71:24

Natumulanga oku bikolebyo ebyʼobutuukirirye okumalaku olunaku, olwʼokubba abataka okunkolaku akabbikabbi obakwatisirye ensoni era nʼobaswaza.

ENgero 12:13

Omubbimubbi bamupapalirya mu ntumulaye embiibbi, neye omutuukirirye awunuka obugosi.

ENgero 15:23

Omuntu asangaala ngʼawaire ekyokwiramu ekituuce, era kisa okubba nʼekibono omu kiseera kyakyo ekituuce.

ENgero 15:7

Ebibono byʼabʼamalabuki, bisasya okumanya, neye ebiseego byʼabasirusiru, tibikola bityo.

ENgero 16:21

Omuntu owʼamalabuki niiye ogubeeta omutegeeri, owʼebibono ebisa ategeeresya abantu mangu.

Matayo 5:16

Kale omu ngeri enanyere eyo, ekitangaala kyanywe kyakenge kityo omu bantu, kaisi babone ebikole byanywe ebisa, era olwʼebyo bawuujanga oItewaanywe aali omwigulu.”

Luuka 4:22

Bonabona ni bamusiima ino, era ni beewunya olwʼebibono ebisa ebiyatumwire, ni bakoba bati, “Onu tiniiye omutaane wa Yusufu?”

Yokaana 1:37

Awo abeegi ba Yokaana ababiri nago owebawuliire ngʼoYokaana atumula ebibono ebyo, ni basimbuka ni basengererya oYesu.

Abʼe Looma 14:19

Nʼolwekyo twemalirenge mu biibyo ebireeta eidembe nʼebibbeera buli moiza okusetula omwinaye.

Abʼe Looma 15:2

Nabuli moiza mwiswe aseegenge ku busa bwa muntu omwinaye, kaisi awo ayezye okumwemereryawo omu kwikirirya.

1 Abʼe Kolinso 14:19

Neye omu lukumbaana olwʼekanisa, kasinga ntumula ebibono bitaanu ebibategeera olwʼokulungamya abandi, okukiraku oluntumula ebibono enkumi nʼenkumi, omu ntumu gyʼoMwoyo oMweru.

AbʼEfeeso 4:12

Yabawaire ebirabo ebyo kaisi bayezye okutendeka abatuukirirye omu mulimo gwʼokuweererya, era nʼokukulya abaikirirya omu Kurisito omu myoyo.

AbʼEfeeso 4:16

OKurisito oyo awa omubirigwe gwonagwona, nga niigwo ekanisa, okukula omu mwoyo nʼokweyongera amaani oweebba nga yeegaitire era yeekalanguliire omu kubba ekintu ekimo. Yeegaita olwʼokutakangana era nga buli muntu akola obuvunanyizibwa obwʼekirabo oKurisito ekyamuwa.

Abʼe Kolose 4:6

Bulijo mutumulenge omu ngeri ewooma era esangaalya, kaisi mwezye okumanyanga engeri egikisaaniire okwiramu nabuli moiza ali nʼekyabuulya oku kwikirirya kwanywe.

1 Abʼe Sesalonika 5:11

Kale mwiryanganengemu amaani, era mubbeeranganenge, era ngʼowemubbaire mukola.

1 Peetero 2:12

Inywe mwebityenge kusani nʼomu bantu abataikirirya oKibbumba kaisi waire babatumulangaku kubbikubbi, neye era nga babona ebikole byanywe ebisa era baligulumalya oKibbumba oku lunaku oluyalisaliraku emisango.

1 Peetero 3:1

Aale inywe abakali abafumbo, nywena omu ngeri enanyere eyo mugonderenge abaibaanywe. Mukolenge mutyo kaisi olwo, singa omu baibaanywe mubbaamu kwibo abataikiririrya omu kibono kya Kibbumba, bayezye okucuuka lwʼebikole byanywe ebisa neye nga tirwʼokubalaabbira.

2 Peetero 2:18

Ekyo kityo olwʼokubba ibo batumula ebibono ebyʼokwepanka neye nga mpaamu makulu, era bagambirirya abantu abankaikirirya oKurisito ni babaleetera okwabira oku kwegomba kwʼemibiri gyabwe okwo okwʼobulendi.