AbʼEfeeso 4:26 - Bbaibbuli y'oLugwere

²⁶ Kale owewabbaawo ekibasunguwalya, mwekuume obusungu obwo okutabakolesya ekibbikibbi. Timwirugalyanga obwire nga mukaali musibire obusungu,

AbʼEfeeso 4:26 ပူးပေါင်းရင်းမြစ်များ

EZabbuli 37:8

Tiwasunguwalanga era tiwaabbanga nʼobulwa, era tiwaabbanga wʼensire. Ebyo bizwamu kukola kibbikibbi.

EZabbuli 4:4

Owewabbaawo ekibasunguwalya mwekuume obusungu okutabakolesya ekibbikibbi. Musirinkirire era mufumintirize nga muli oku buliri bwanywe.

OKuzwa 11:8

OMusa nʼamalirirya ati, abakungubo banu bonabona baaba okwiza egyendi bankomere amazwi baneegairire bati, ‘Oyabe nʼabantubo bonabona abookubbembera.’ Ebyo nga biwoire, nayaba.” Awo oluzwanyuma lwʼokutumula ebyo oMusa nʼasunguwala, nʼazwa egiri oFalaawo.

ENgero 14:29

Omuntu omuguminkiriza abba nʼobutegeeri bunene, neye owʼensire, alaga busirusiru.

ENgero 19:11

Enseega ensa eyʼomuntu emuwa obuguminkiriza; era okutafaayo oku bibamusobyaku kimuweesya ekitiisya.

ENgero 25:23

Okugeya kuleeta obusungu, ngʼompunga owʼe mambuka owaaleeta oikendi.

OKubala 20:24

“Alooni ayaba okufa asenje abazeizabe. Tiyalingira omu kyalo ekinasuubizire okuwa aBaisirairi, olwʼokubba inywe mwembi mwajeemeire ekiragiro kyange oku nsulo gyʼe Meribba.

Matayo 5:22

Neye nze mbakoba nti nabuli muntu asunguwalira omuntu omwinaye, balimusingisya omusango. Era nabuli muntu yenayena azuma omwinaye ati, ‘Obula omugaso’ balimutwala okumuwozesya omu Lukiiko oLufugi olwʼaBayudaaya. Neye nabuli oyo eyazumanga omwinaye ati ‘Oli musirusiru,’ oKibbumba yalimusindika omu geyeena.

Maako 10:14

OYesu oweyaboine abeegibe ekibakola, nʼanyiiga, nʼabakoba ati, “Muleke abaana abatobato baize e gyendi era timwabaloberya, olwʼokubba abali ooti baabo, niibo ababba omu bwakabaka bwa Kibbumba.

Maako 3:5

Awo nʼabeeruguulyamu amaiso nʼobusungu, era ngʼobukakanyali bwʼemyoyo gyabwe bumukwatisirye obutaki, nʼakoba omuntu oyo ati, “Waama iswe ogolole engaloyo.” Era nʼagigolola, era nʼeramirawo.

AMateeka 24:15

Nabuli lunaku olwakolere, omusasulenge empeeraye ngʼeisana likaali okugwa, olwʼokubba mudoobi era yeesigire mpeeraye eyo era yajeetaaga. Owootagimuwa, ayinza okukungirira oMusengwa ngʼakuwaabira, era ni bakulumiriza ekibbikibbi ekyo.”

Yaakobbo 1:19

Boluganda abatake eino, mumanye kinu muti: Buli muntu abbenge mwangu okuwulira ekibono kya Kibbumba, neye tiyaabbanga muntu abbubbukira okutumula. Era tiyaabbanga muntu anyiiga mangu;

Yaakobbo 1:20

olwʼokubba obusungu bwʼomuntu tibuleetawo bwomi obutuukiriire oKibbumba obwasiima.

1 Samwiri 20:34

Oku lunaku olwokubiri olwʼoMukolo gwʼoKumasuka kwʼoMweri, oYonasani nʼasetuka oku menza nʼobusungu bungi, nandi nʼalyaku ekyokulya naire, olwʼokubba yanakuwaire ino olwa Sawulo oiteeye okubitya oDawudi omu ngeri eswaza.