AbʼEfeeso 4:25 - Bbaibbuli y'oLugwere

²⁵ Nʼolwekyo, muzwe omu bubbeyi era nabuli muntu akoberenge omwinaye amazima olwʼokubba tuli bitundu bya mubiri gumo.

AbʼEfeeso 4:25 ပူးပေါင်းရင်းမြစ်များ

EZabbuli 119:29

Onkuume tinatambulira omu manzira amacaamu, era olwʼekisaakyo, onjegesye amateekago.

EZabbuli 15:2

Niiye oyo onambulaku ekyokumunenya, akola ebituuce, era atumula ebyʼamazima.

EZabbuli 52:3

Osiima obubbibubbi okukiraku obusa, era nʼobubbeyi okukiraku amazima.

OKuzwa 23:7

Tiwasaliriryanga okusingisya omuntu yenayena omusango, era tiwaitanga omuntu onambulaku omusango. Ekyo kityo olwʼokubba nabuli akola ekibbikibbi ekityo, tinalireka okumusingisya omusango.

ENgero 12:17

Omujulizi owʼamazima awa bujulizi owʼamazima, neye omujulizi owʼobubbeyi atumula byʼobubbeyi.

ENgero 12:19

Ebibono ebyʼamazima ibyo bibbeerererawo, neye ebyʼobubbeyi bibba byʼakaseera-buseera.

ENgero 12:22

OMusengwa acaawa abantu abatumula ebyʼobubbeyi, neye asangaalira abantu abʼamazima.

ENgero 21:6

Obusuni obubasuna omu bubbeyi, bubita-bubiti ooti mwosi era ibwo mutego ogwita.

ENgero 24:28

Tiwalumirizanga omwinawo anambula nsonga entuuce, era tiwatumulanga ebyʼobubbeyi.

ENgero 6:17

Embonia eyʼamalala, entumula eyʼobubbeyi, engalo egisuka omusaaye gwʼabanambulaku omusango;

ENgero 8:7

Ntumula mazima, era ncaawa obubbeyi.

ABaleevi 19:11

“ ‘Tiwaibbanga. “ ‘Tiwabbeyanga. “ ‘Timwabbeyangananga.

Yokaana 8:44

Cooka inywe muli ba itewaanywe oSitaani, era muyayaanira kukola biibyo oitewaanywe ebyasiima. Iye okuzwera nakimo owebabbumbiire ekyalo iye mutemo, era iye tagumira oku mazima ga Kibbumba olwʼokubba mwiye mpaamu mazima. Era owaatumula obubbeyi, abba atumula kiidi ekyʼekikulakye olwʼokubba iye mubbeyi, era niiye okibyali wʼobubbeyi.

Abʼe Looma 12:5

swena abʼekanisa tutyo wetuli. Newankubbaire tuli bangi, neye tukola omubiri gumo, era buli moiza abba kitundu oku bandi bonabona ngʼebitundu byʼomubiri owebibba.

1 Abʼe Kolinso 10:17

Atyanu olwʼokubba omugaati igwo gumo ogutuvunavunamu okulya, iswe abangi tuli omubiri gumo, olwʼokubba swenaswena tugabana oku mugaati gumo ogwo.

2 Abʼe Kolinso 7:14

Ekyo kityo olwʼokubba nabbaire namwewujiirye ngʼowenabeenyumirizaamu era nywena timwanswazire. Neye era byonabyona ebitwabakobeire inywe ngʼowebiri byʼamazima, kale iswe nʼokubeenyumirizaamu eeri oTito kwona kukakasa dala nga kwʼamazima.

AbʼEfeeso 4:15

Neye twabba tutumulanga byʼamazima nga tutumula mu ngeri eraga okutaka, kaisi olwo tukule omu bintu byonabyona era nga tweyongera okutuukirira omu kubba ekintu ekimo nʼoKurisito, oyo omutwe gwaiswe swenaswena abaikirirya.

AbʼEfeeso 4:22

Era babeegeserye ebikwata oku bwomi obwʼekibbikibbi obumwabbairemu, era ni babakoba okulekawo obwomi obwo. Okwegomba okubbikubbi kwaba ni kubbeya omuntu kuti okukola ekibbikibbi kwamugasa neye yeeyaja nga kimutwaire mu kujigirika.

AbʼEfeeso 4:31

Era ekinakoolo, nʼobuzira nʼobusungu, nʼoyombo, nʼokusibirirya oku bantu, era nabuli kibbikibbi kyonakyona, ebyo timwabikolanga.

AbʼEfeeso 5:30

olwʼokubba tuli bitundu ebikola omubirigwe.

Abʼe Kolose 3:8

Neye atyanu binu byonabyona mubireke: Obusungu, nʼenkwe, nʼococo, nʼokusibirirya oku bantu, era nʼokwemula, ibyo tibyazwanga omu munwa gwanywe.

Abʼe Kolose 3:9

Timwabbeyangananga, olwʼokubba mweyambwirye obwomi obukaire nʼebikole byabwo ebibbibibbi.

1 Temuseewo 1:10

Bagateekeirewo bantu abalendi nʼabalya ebisiyaga, abo abasuubuula abantu abo ababbeyi nʼabalayirira obwereere, nʼabo bonabona abakola ebyakanisya enjegesya entuuce.

1 Temuseewo 4:2

Enjegesya egyo abagireeta bantu ababbeyi, abo abʼemyoyo egibulamu akabuntu.

Tito 1:12

Omoiza oku banyere abo, era nga yeeyeta naabbi waabwe, yakobere ati, “Abʼoku kizinga kyʼe Kuleete bulijo omu kubbeya beekansa; bisolo ebya kabbikabbi, era baluvu, era bagayaali.”

Tito 1:2

Okwikirirya nʼamazima ago byeigikire ku kusuubira bwomi obutawaawo, oKibbumba atayezya kubbeya, obuyasuubizire okuzwa eira eino.

AbʼEbbulaniya 12:1

Kale, tuli nʼabantu bangi ino batyo abalaga nga beesigire oKibbumba, era atyanu nga bali ooti bantu ababba beeruguuliriirye ekisaawe nga batulingiriire iswe abali omu muzenyo. Nʼolwekyo tweyambulye buli kintu ekiri omu bwomi bwaiswe ekitukaisya okuweererya oKibbumba, era nʼekibbikibbi ekitira okwiza ni kitugwisya. Tukole ebintu oKibbumba ebyataka tukole, nʼeiganyi lingi ngʼomwiruki omu koolo owʼembiro owaabba. Era tuweererya oKibbumba nga tuli baguminkiriza,

Yaakobbo 1:21

Mulekewo emize gyonagyona nʼempisa embiibbi ebiizwire omu bantu. Mwikiriryenge nʼobugondi bwonabwona ekibono kya Kibbumba ekibabasigiremu ngʼabayezyesya okukiwulira, era ekyezya okulokola obwomi bwanywe.

1 Peetero 2:1

Nʼolwekyo timwabbanga abʼeitima! Mulekeraawo obubbeyi era nʼobunanfunsi. Timwakwatiranga abantu engongi ooba okubatumulaku okubbikubbi okwa buli ngeri.

Kubiikula 21:8

Neye abo abati, nʼabataikirirya, nʼababebenyekere, nʼabaiti, nʼabalendi, nʼabalogo, nʼabasinza ebifaananyi, nʼababbeyi bonabona, omugabo gwabwe gwalibba mu nyanza eyʼomusyo ogududumuka, okwo nga niikwo okufa okwokubiri.”

Kubiikula 22:15

Neye abo ababebenyeki, nʼabalogo, nʼabalendi, nʼabaiti, nʼabasinza ebifaananyi, nʼabo bonabona abataka era abakola ebyobubbeyi balisigala nza eeri embwa.

ABalamuzi 16:11

Nʼamukoba ati, “Owebansiba nʼemiguwa emiyaaka egibatakolesyangaku, nsuuka munafu, ni mba ngʼomuntu ogondi yenayena.”