AbʼEfeeso 2:20 - Bbaibbuli y'oLugwere

²⁰ Babombekere ooti kizimbe oku musingi, abatume nʼabanaabbi ogubombekere, kaisi ngʼoKurisito Yesu niiye eibbaale erikulu erisiba ensonda eyʼomusingi.

AbʼEfeeso 2:20 ပူးပေါင်းရင်းမြစ်များ

EZabbuli 118:22

Eibbaale abombeki eribagaine lisuukire niiryo erisiba ensonda.

ENgero 9:1

Amalabuki gombekere enyumba yaago, gagikoleire empango musanvu.

Matayo 16:18

Kale nʼolwekyo nkukoba nti niiwe oPeetero, amakulu gaalyo nti Ibbaale. Era okwibbaale eryo niigwo omusingi oku nalyemererya ekanisa yange. Era kadi nʼamaani agʼegeyeena tigalyezya okugiyinga.

Matayo 21:42

Awo oYesu nʼababuulya ati, “Timukisomangaku omu Biwandiike ekiti? ‘Eibbaale abombeki eribagaine, lisuukire niiryo erikulu erisiba ensonda. Ekyo oMusengwa niiye eyakikolere, ni tukibona, ni tukyewunya.’ ”

1 Abʼe Kolinso 12:28

Era omu kanisa, oKibbumba yateekeremu abantu, abasooka batume, nʼabokubiri banaabbi, nʼabokusatu basomesya. Awo atyanu abairaku, baadi abakola ebyamagero, nʼabo abeyawaire ekirabo kya kulamya abalwaire, nʼabo ababbeera abantu, nʼabeekubbemberi, era nʼabatumula omu ntumu gyʼoMwoyo oMweru.

Abʼe Galatiya 2:9

Kale oYaakobbo, nʼoKeefa nʼoYokaana abo ababbaire bakirifuma era abebatwala okubba empango gyʼamakanisa, owebaboine omulimo ogunasunire, ni batusiima ino, nze nʼoBbalunaba era ni batulaga okutaka nʼokubba ekintu ekimo. Ni twikirizagana nabo tuti ibo balaabbe eeri aBayudaaya, iswe tulaabbe eeri abantu aBatali Bayudaaya.

AbʼEfeeso 3:5

Omu mirembe egyʼeira, oKibbumba tiyamanyikisirye abantu ekyama nago, neye atyanu akibikuliire abatumebe abatukulye era nʼabanaabbi, ngʼabitira omu Mwoyo oMutukulye.

Abʼe Kolose 2:7

Era mweyongerenge okumumanya nʼokukola ebyataka, nga muli bagumu omu kumwikirirya ngʼowebabeegeserye omu kusooka, era nga mumwebalya olwa buli kintu.

1 Peetero 2:6

Era kiri nʼomu Biwandiike kiti: “Aale ngonu nteeka omu Sayuuni, eibbaale erinalonderemu era eryʼebbeeyi, erisiba ensonda yʼomusingi. Era nabuli oyo amwikiririryamu iye tibalimuswaza kadi.”

Kubiikula 21:14

Ekitempe ekyeruguuliriirye ekibuga kyabbaire nʼemisingi ikumi na mibiri, nga giriku amaliina agʼabatume aba Ntaama oMutomuto wa Kibbumba eikumi na babiri.