AbʼEfeeso 2:17 - Bbaibbuli y'oLugwere

¹⁷ Inywe aBatali Bayudaaya era ababbaire e yala nʼoKibbumba, oKurisito yaizire nʼalaabba egimuli aMawuliro aMasa agʼeidembe, era nʼakobera na iswe aBayudaaya ababbaire okumpi nʼoKibbumba.

AbʼEfeeso 2:17 ပူးပေါင်းရင်းမြစ်များ

EZabbuli 148:14

Yasuucirye eigwangalye lyʼamaani, kagira abatuukiriryebe bonabona bamuwuuja, ibo aBaisirairi, abamuli oku mwoyo. Muwuuje oMusengwa.

EZabbuli 75:1

Tukwebalya, Kibbumba, tukwebalya olwʼokubba oli kumpi, era abantu batumula oku byewunyobyo.

EZabbuli 85:10

Okutaka okutakoma nʼobwesigwa bisisinkana, obutuukirirye nʼeidembe bigwangana omu bifubba.

Matayo 10:13

Era singa abantu baamu babasangaaliranga, eidembe erimubatakirya lyasigalanga nabo. Neye singa tibabasangaalirenge, eidembe erimubatakirya lyabairiranga niinywe.

Luuka 15:8

Awo oYesu nʼabongera olugero olundi ati, “Ooba singa omukali abba nʼamandusu ikumi agʼefeeza, kaisi ekimo ni kimugotaku, takwatisya eitaala, nʼayeya enyumba, nʼanoonia nʼokwekeenenya paka owakibona?

Luuka 2:14

“Ekitiisya kibbe eeri oKibbumba omwigulu! Era nʼoku kyalo, eidembe libbe omu bantu abo oKibbumba abaasiima!”

Bikole 10:36

Mumaite obukwenda oKibbumba obuyasindikire eeri aBaisirairi ngʼabakobera aMawuliro aMasa agaleetera abantu eidembe aakati waabwe naye, okubitira omu kwikirirya oYesu Kurisito, oMusengwa wʼabantu bonabona.

Bikole 2:39

olwʼokubba ikyo oKibbumba yakibasuubizire niinywe, nʼabaana baanywe, era nʼabo bonabona abali e yala, bonabona abo oMusengwa waiswe oKibbumba abeyalyeta.”

Abʼe Looma 10:14

Neye, kaisi dala aale balyezya batya okweta eriina lyʼoyo nago okubalokola neenu nga tibamwikiririryangamu? Era, dala balyezya batya okwikiririrya omu gubatawulirangaku? Kaisi era, balyezya batya okuwulira ebimufaaku nga mpaawo abibakobeire?

Abʼe Looma 5:1

Aale atyanu ngʼoKibbumba owatusiima lwʼokumwikiririryamu, tuli nʼeidembe omumaisoge okubitira omu Musengwa waiswe oYesu Kurisito.

2 Abʼe Kolinso 5:20

Nʼolwekyo iswe tuli bakwenda ba Kurisito, abasaalaania aMawuliro aMasa, era oKibbumba ali kubeegairira inywe ngʼabitira mwiswe. Tubeegairira omu liina lya Kurisito, tuti musyanie nʼoKibbumba.

AbʼEfeeso 4:21

Mazima babalaabbiire oKurisito ni mumwikirirya, era inywe ngʼabaikiriryabe, babeegeserye amazima agakwata oku Yesu.

AMateeka 4:7

Igwangaki erindi eryʼamaani, eriri nʼokibbumba waabwe abali okumpi atyo, ngʼoMusengwa iye oKibbumba waiswe ngʼowaatubba okumpi nabuli owetumusaba?