AbʼEfeeso 1:8 - Bbaibbuli y'oLugwere

⁸ ekiyatubboomoleireku omu malabukige nʼomu kumanyakwe.

AbʼEfeeso 1:8 ပူးပေါင်းရင်းမြစ်များ

EZabbuli 104:24

Oo Musengwa, ebintu ebyenjawulo ebiwakolere nga bingi ino! Byonabyona wabikolere nʼamalabuki, ekyalo kiizwire bibbumbebyo.

ENgero 8:12

“Nze amalabuki, mba aamo nʼokutegeera; ndi nʼokumanya nʼokusalawo okusa.

Matayo 11:19

Tete zena oMwana wa Muntu ndya ebyokulya era nnywa enviinyo era munkoba muti, ‘Omuntu oyo wa gukobbo, era muteemeere, kaisi mukaagwa wʼabasolooji ba musolo nʼabakola ebibbibibbi.’ Neye abantu abo bonabona abakolera oku malabuki ga Kibbumba, bakakasa bati matuuce.”

Abʼe Looma 11:33

“Dala, obusuni bwa Kibbumba nʼamalabukige, nʼokumanyakwe nga tibimalikayo! Ebyateesa nga tibifumintirizikika! Engerigye nga tigitegerekeka!”

Abʼe Looma 5:15

Neye era wona, obwolingirira ebyazwire omu kubbenga kwʼAdamu, nʼebyazwire omu Yesu, ekirabo oKibbumba ekiyatuwaire, ebibiri ebyo titubigeraagerania. Obanga amaani gʼokubbenga kwʼomuntu omoiza galeeteire bangi okufa, kaisi tete ikyo ekisa kya Kibbumba, nʼekirabokye ekiyatuwaire okubitira omu muntu omoiza oYesu Kurisito? Tobona kyona nga kyabitiriire ni kitwaliryamu abantu bangi nʼokukirawo?

1 Abʼe Kolinso 2:7

Neye tubakobera ku Mawuliro agʼekyama kya Kibbumba, ago ageyabisire oku bʼemirembe egyabitire. Era ago oKibbumba yasalirewo nʼagategeka ira ngʼakaali okubbumba ekyalo, ati niigo aMawuliro agalitusunisya ekitiisya kyaiswe.

AbʼEfeeso 1:11

Omu Kurisito, oKibbumba yatulondere tubbe bantube. Ekyo oKibbumba yakisalirewo nyuma eedi omu ntegekaye olwʼokubba iye akola ebintu byonabyona ngʼonyere owaabba asiimire.

AbʼEfeeso 1:7

Olwʼokubba oKurisito yafiire nʼasuka omusaayegwe okulwaiswe, niiyo engeri oKibbumba egiyatununwiremu era nʼatusoniya ebibbibibbi byaiswe, olwʼekisaakye ekibitiriri eino,

AbʼEfeeso 1:9

Era oKibbumba, omu kusiimakwe, yatumanyikisirye ekyama ekiyabbaire abisire abantu eibbanga linene, ekyʼentegekaye egiyabbaire yategekere eira okugituukirirya omu Kurisito.

AbʼEfeeso 3:10

Neye yakitegekere ati atyanu, ngʼabitira omu kanisa, ataka amanyikisye abafugi nʼabʼobwezye abali omwigulu, amalabuki nago ago amaatiikiriri namubuli ngeri.

Abʼe Kolose 2:3

Mwiye niiye oKibbumba omu yabisire ekyobusuni ekyamalabuki, nʼokumanya kwonakwona.

Yuda 1:25

Abantu nga babita omu Yesu Kurisito oMusengwa waiswe, bawenge oKibbumba omoiza oyo ekitiisya, iye nago oMulokoli waiswe, era owʼamaani era owʼobwezye. Era niiye eyabbairewo okuzwera nakimo ngʼemigigi gyʼabantu gikaali nʼokubbaawo, era niiye akaali atyo nʼomu mirembe ginu era eyalibbaawo emirembe nʼemirembe! Amiina.

Kubiikula 5:12

Ni batumula nʼeigono eryaminkirira bati: ONtaama oMutomuto wa Kibbumba, iwe ogubaitire, osaaniire okubba nʼobwezye, nʼobusuni, nʼamalabuki, nʼamaani. Era osaaniire ekitiisya, nʼokukugulumalyanga, nʼokukuwuujanga!