AbʼEbbulaniya 4:9 - Bbaibbuli y'oLugwere

⁹ Nʼolwekyo, okusinzirira ebintu ngʼowebiri, wakaali waliyo ekiwuumulo eeri abantu ba Kibbumba ekiri ngʼekyo iye ekiyawuumwire oku Saabbaato.

AbʼEbbulaniya 4:9 ပူးပေါင်းရင်းမြစ်များ

EZabbuli 47:9

Abafugi bʼamawanga bakumbaine nʼabantu ba Kibbumba wa Ibbulaimu. Olwʼokubba oKibbumba niiye afuga abʼekubemberi bʼoku kyalo, oKibbumba bamugulumalyenge ino.

OKuzwa 16:30

Kale abantu ni bawuumula oku lunaku lwomusanvu.”

Matayo 1:21

Era ayaba okubyala omwana mwisuka, era bamuwa eriina bati, Yesu, olwʼokubba niiye eyalirokola abantu okuzwa omu bikole byabwe ebibbibibbi.”

Tito 2:14

OKurisito yeewaireyo okufa okulwaiswe kaisi atununule omu bibbibibbi byaiswe byonabyona, atusuuce abantube abakenene omu myoyo, era abamaliriire okukolanga ebintu ebisa ebyataka.

AbʼEbbulaniya 11:25

Yasiimire okudambira aamo nʼaBaisirairi, abantu ba Kibbumba, okukiraku okubba omwisangaalo eryʼekibbikibbi eriwaawo amangu.

AbʼEbbulaniya 3:11

Nʼolwekyo, niiwo okunyiiga ni ntuuka nʼokwerima nti, ‘Tibalituuka kadi omu kifo omu nankabaweereire ekiwuumulo.’ ”

AbʼEbbulaniya 4:1

Ekisuubizo kya Kibbumba ekyʼokutuuca abantube omu kifo omu yabaweera ekiwuumulo kikaali kiriwo. Nʼolwekyo, twegendereze tiwaabbaawo kwinywe akaya okutuuka omu kifo ekyʼekiwuumulo ekyo.

AbʼEbbulaniya 4:10

Nti buli moiza aingira omu kiwuumulo oKibbumba ekiyasuubizire asuna okuwuumula omu mwoyogwe okuzwa omu kukalabana, ngʼoKibbumba oweyawumwire okuzwa omu mulimo gwʼokubbumba.

AbʼEbbulaniya 4:3

Atyanu iswe abaikiririrya omu Yesu, niiswe abaingira omu kifo kyʼekiwuumulo ekyo, olwʼokubba eeri abataikirirya, oKibbumba yakobere ati: “Nʼolwekyo, niiwo okunyiiga ni ntuuka nʼokwerima nti, ‘Tibalituuka kadi omu kifo omu nankabaweereire ekiwuumulo.’ ” OKibbumba ekyo yakitumwire waire nga yabbaire yamaliriirye omulimogwe, ekikoba nti, ngʼokubbumba ekyalo kwabbaire kuwoire.

AbʼEbbulaniya 4:8

Aale singa oYoswa yatuucirye aBaisirairi omu kifo egibabbaire babasuubizire okuwuumulira, oKibbumba tete tiyankatumwire oku lunaku olundi olwʼokutuuciryaku abantu omu kiwuumulo.

1 Peetero 2:10

Mwabbaireku bantu abanambulamu, neye atyanu muli bantu ba Kibbumba. Mwabbaireku nga tibabakwatiire ekisa, neye atyanu bakibakwatiire.

Kubiikula 14:13

Awo ni mpulira eigono erizwa omwigulu, nga likoba liti, “Owandiike oti, okuzwa olwatyanu, bʼenkabi abo abafa nga baikirirya ba Musengwa oYesu. Dala atyo oMwoyo oMutukulye waakoba ati okutegana kwabwe kuwoire, ni bawuumula, olwʼokubba ebikole byabwe ebisa tibikoma yaanu ku kyalo neye byaba nabo okutuuka omwigulu. Era buli muntu yalisuna empeera kusinzirira ku niibyo.”

Kubiikula 21:4

Era yalibaaliirya nʼamalawo obutaki bwonabwona obwabatuukireku. Era walibba nga tiwakaali waliwo okufa, nga tiwakaali waliwo okuyungubala, ooba okukunga, waire obulumi, olwʼokubba olwo ebyʼeira byalibba biwoirewo.”