AbʼEbbulaniya 3:8 - Bbaibbuli y'oLugwere

⁸ timwakakanyalya emyoyo gyanywe ngʼabazeiza baanywe owebakolere oku lunaku oKibbumba oluyabagezeseirye omwidungu.

AbʼEbbulaniya 3:8 ပူးပေါင်းရင်းမြစ်များ

EZabbuli 106:14

Nga bali omwidungu babitiriirye okutaka ebyokulya, era owebabbaire eeyo, ni bagezesya oKibbumba.

EZabbuli 78:18

Ni bakema oKibbumba mu kugenderera, nga bamusaba ebyokulya ebibayoya.

EZabbuli 78:56

Neye era ni bagezesya oKibbumba era ni bajeemera oyo oNambulaku aMwagaagana. Tibakwaite ebiragirobye.

EZabbuli 95:8

timwakakanyalya emyoyo gyanywe ngʼabazeiza baanywe owebakolere e Meribba, oku lunaku olubabbaire e Maasa omwidungu,

OKuzwa 17:7

Era oMusa nʼawa ekifo ekyo eriina ati, Maasa nʼe Meribba, olwʼokubba aBaisirairi bayombere era ni bagezesya oMusengwa nga bakoba bati, “OMusengwa ali na iswe ooba bbe?”

OKuzwa 8:15

Neye oFalaawo oweyaboine ngʼasunire akalembereze, omwoyogwe ni gukakanyala. Era nandi nʼairayo okuwulisisya oMusa nʼAlooni, nʼakolera nakimo ngʼoMusengwa oweyabbaire akobeire oMusa.

ENgero 28:14

Wʼenkabi oyo iye atya oMusengwa bulijo, neye oyo iye akakanyalya omwoyogwe, agwa omu mitawaana.

ENgero 29:1

Omuntu ogubanenya emirundi emingi nʼagaanira omu nsobi, mu kaseera-buseera balimunialula amantalama.

OKubala 14:11

Era oMusengwa nʼabuulya oMusa ati, “Abantu abo balituuca di okunnyooma? Balituuca di okutaneesiga, waire wona nga njabire nga nkola obumanyiciryo wʼebyewunyo ebyo byonabyona mwibo?

Matayo 13:15

Ekyo kityo olwʼokubba abantu abo basuukire maisiyaaye ni batayezya kuntegeera niki ekinanyere ekyendi, basinyiire amatwi gaabwe ni gasiyalala batyo ni batayezya kuwulira ebyo ebimbakoba. Era nʼamaiso gaabwe gayofuwaire ni batayezya kubona ebyo ebinkola. Neye singa tiniikyo, bankutegeire niki ekinanyerenyeere ekyendi, nʼebyo amaiso gaabwe ebigabona nga nkola, nʼebyo amatwi gaabwe ebigawulira nga ntumula egibali. Batyo bankucuukire omu myoyo gyabwe ni baira egyendi, era ni mbalokola.’

Bikole 19:9

Neye abamo kwibo owebasuukire bakakanyali bʼemyoyo ni bagaana okwikirirya, kwekyo ni bagaitaku nʼokuzumirira eNzira ya Musengwa omu lwatu, iye nʼabazwaku. Era yaabire nʼabeegi ba Yesu ababbairekuuwo, nʼakubbanga enkumbaanagye buli lunaku omu kizimbe ekibeegeseryamu ekya Tulaano.

Bikole 7:36

Yabeekubbembeire okuwuluka omu Misiri era nʼakola ebyewunyisya nʼobumanyiciryo obwʼebyamagero omu kyalo kyʼe Misiri, nʼadi nga bali oku Nyanza eNtukuliki, era nʼomwidungu omubamalire emyanka 40.”

1 Abʼe Kolinso 10:9

Era titwakemanga oKurisito okubona ooba ngʼayinza okutubonereza, ngʼabamo kwabo owebamukemere, ni kibazweraku empiri okubaita.

AMateeka 6:16

Timwakemanga oMusengwa iye oKibbumba waanywe ngʼowemwamukemere e Maasa.

1 Samwiri 6:6

Kale lwaki mukakanyairye emyoyo gyanywe ngʼaBamisiri nʼokabaka waabwe owebakakanyairye emyoyo gyabwe? Oweyamalire okubabonereza, aale tibairire ni baleka aBaisirairi ni baaba?”