AbʼEbbulaniya 3:7 - Bbaibbuli y'oLugwere

⁷ Kale ngʼoMwoyo oMutukulye owaakoba, “Olwatyanu, owemwawulira eigonolye,

AbʼEbbulaniya 3:7 ပူးပေါင်းရင်းမြစ်များ

2 Samwiri 23:2

“OMwoyo wa Musengwa niiye ampaire ebibono byʼokutumula; ekibonokye niikyo ekiri omu munwa gwange.

EZabbuli 81:11

“Neye abantu bange kadi kumpulisisya, oIsirairi kadi kungondera.

EZabbuli 81:13

Oo singa abantu bange bampulisisya! Kale singa oIsirairi atambulira omu manzira gange!

ENgero 27:1

Tiweewaananga olwʼebyabbaawo eizo, olwʼokubba tomanya ekyabbaawo.

Matayo 17:5

Oweyabbaire ngʼakaali atumula ebyo, ekireri ekimirikiinya ni kiiza, ni kibabbuunaku nʼekiiriirye kyakyo. Era eigono ni lizwera omu kireri ekyo nga likoba liti, “Onu niiye oMwana wange oguntaka eino, era ogunsiima eino, mumuwulisisye.”

Matayo 22:43

Awo oYesu niiye okubabuulya ati, “Kale olwo lwaki oDawudi onyere, oweyabbaire ngʼaizwire oMwoyo oMutukulye, yamwetere Musengwawe? Kiri nti yakobere ati,

Maako 12:36

ODawudi onanyere, oweyabbaire ngʼaizwire oMwoyo oMutukulye, yakobere ati: ‘OMusengwa iye oKibbumba yakobere oMusengwa wange ati: Otyame ngʼondiraine oku lubba lwange olwʼengalo endiiro, paka owenaligondya abalabebo ni mbasuuca mukonkolo gwʼokuwuumuliryaku ebigerebyo.’

Yokaana 10:16

Cooka ndi nʼentaama egindi egitali gyʼomu kiraalo kinu. Nteekwa gyona okugireeta. Era gyona gyaliwulira eigono lyange, era walibbaawo ekiraalo kimo nʼomuliisya moiza.

Yokaana 10:27

Ngʼentaama owegiwulisisya eigono lyʼomuliisya waagyo, abantu ibo abange bona niiye owebawulisisya ebibono byange. Nze abo nago mbamaite, era bansengererya.

Yokaana 10:3

Era omukuumi wʼekiraalo amwigulirawo, nʼentaama gitegeera eigonolye iye ngʼomuliisya waagyo. Entaamagye agyeta amaliina, era nʼagiwuluca e nza.

Yokaana 5:25

Era mbakobera amazima nti ekiseera owekiri awo kituukire, abafu owebaliwulira eigono lyʼoMwana wa Kibbumba ni basuna obwomi obutawaawo.

Bikole 1:16

“Boluganda, ekibono okabaka oDawudi ekiyatumwire omu Biwandiike ekikwata oku Yuda kyabbaire nʼokutuukirira. OMwoyo oMutukulye, enyumaku edi, ngʼabitira omu Dawudi, yalagwire ekyalibbaawo oku Yuda. OYuda niiye eyalagiriire era ni yeekubbemberamu abo abakwaite oYesu,

Bikole 28:25

Awo ni batandiika okwakana abanyere oku banyere. Era owebakayire okwikirizagana, ni basalaanika, neye awo ngʼoPawulo amalire okubakoba ekisembayo ati, “Kaisi oMwoyo oMutukulye yatumwire bituuce oweyakobere abazeiza baanywe ngʼabita omu naabbi Isaaya ati:

Bikole 8:29

OMwoyo oMutukulye nʼakoba oFiripo ati, “Oigerere oku kigaali ekyo otambulire ampyampi nakyo.”

AbʼEbbulaniya 10:15

Era nʼoMwoyo oMutukulye, ekyo akikakasa egituli. Asookesya nʼakoba ati:

AbʼEbbulaniya 3:13

Wazira, bulijo mwiryanganengemu amaani kasita ni kubba nga kukaali “Lwatyanu,” kaisi waleke okubbaawo waire moiza kwinywe, ekibbikibbi ogukibbeyabbeya nʼakakanyalya omwoyogwe eeri oKibbumba.

AbʼEbbulaniya 3:15

NgʼeKiwandiike owekikoba: “Olwatyanu owemwawulira eigonolye, timwakakanyalya emyoyo gyanywe, ngʼabazeiza baanywe owebakolere.”

AbʼEbbulaniya 4:7

Kagira oKibbumba yateekerewo kiseera kindi omu yatuucirya abantube omu kifo kyʼekiwuumulo nago, ekiseera ekyo nga niikyo “Olwatyanu.” Ekyo yakirangiriire nga wabitirewo emyanka mingi, ngʼabitira omu kabaka oDawudi, omu bibono ebitumalire okwijulira e nyuma eeyo tuti: “Olwatyanu, owemwawulira eigonolye, timwakakanyalya emyoyo gyanywe.”

AbʼEbbulaniya 9:8

Mwebyo byonabyona oMwoyo oMutukulye yabbaire alaga ati, enzira etuuka omu Kifo eKitukulye eIno, yabbaire ekaali kumanyikana eeri abantu, ngʼeweema eya Kibbumba eyasookere ekaali eriwo.

2 Peetero 1:21

Ekyo kityo olwʼokubba mpaawo naabbi wa Kibbumba eyawaire obunaabbi okululwe ngʼoweyatakire, neye abanaabbi batumulanga biibyo ebyazwanga eeri oKibbumba, era oMwoyo oMutukulye niiye eyabibawanga okubitumula.

Kubiikula 3:20

Ngonu njemereire oku lwigi lwʼobwomibwo nkubba okoodi. Awulira eigono eryange nʼaigulawo, nze naingira omu bwomibwe, ni tuliira aamo naye.