AbʼEbbulaniya 10:4 - Bbaibbuli y'oLugwere

⁴ olwʼokubba omusaaye gwʼente enumi nʼogwʼembuli tigwezya okutoolawo ebibbibibbi.

AbʼEbbulaniya 10:4 ပူးပေါင်းရင်းမြစ်များ

EZabbuli 51:16

Iwe tosiima sadaaka, nandibbaire ngikuwa. Tosiima waire okusiima esadaaka egibooca yonayona.

Maako 12:33

Era oti okumutaka nʼomwoyogwo gwonagwona, nʼebiseegobyo byonabyona, nʼamaanigo gonagona, nʼokutaka abantu abanaiswe ngʼowetwetaka iswe abananyere, kikiraku nabuli sadaaka egibawaayo nga bagyoca yonayona, nʼesadaaka egindi egibawaayo eeri oKibbumba.”

Yokaana 1:29

Awo oku lunaku olwairireku, oYokaana nʼabona oYesu ngʼasimba e gyali, kaisi oYokaana nʼakoba ati, “Aale mubone oyo aali ooti Ntaama oMutomuto owa Kibbumba, iye oYesu, oKibbumba oguyalondere okuwaayo ngʼesadaaka okutoolawo ebikole ebibbibibbi ebyʼekyalo.

Abʼe Looma 11:27

Era eyo niiyo eyalibba endagaano yange nabo, owenalibatoolaku ebikole ebibbibibbi byabwe.”

AbʼEbbulaniya 10:1

Amateeka gʼekiyudaaya, kiiriirye-bwiriirye kyʼebintu ebisa ebyabbaire biiza oKibbumba ebiyasuubizire, neye nga tibyabbaire niibyo ebinanyerenyeere. Nʼolwekyo igo tigeezya, nga gabita omu sadaaka egyo, egibairairamu buli mwanka, ni gatukulirya nakimo abo abagiwaayo nga basinza.

AbʼEbbulaniya 10:11

Buli moiza oku bakabona bʼediini yʼeKiyudaaya, ayemerera buli lunaku, nʼawaayo emirundi mingi esadaaka eginyere egyo, egiteezya kutoolawo ebibbibibbi.

AbʼEbbulaniya 10:8

Era okusookesya yakobere ati: “Esadaaka nʼebyo ebibawaayo, nʼebyo ebibawonga nga babyoca byonayona, nʼebyo ebibawaayo olwʼebibbibibbi, tiniibyo omwoyogwo ebigwatakire era tiwabisiimire.” Ekyo yakitumwire, newankubbaire ngʼebyo byonabyona babiwangayo ngʼaMateeka owegalagira.

AbʼEbbulaniya 9:9

Ekyo kyabbaire kifaananyi-bufaananyi ekiwa ekyokwega ekyamakulu omu biseera binu ebitulimu. Kiraga kiti, ebirabo nʼesadaaka ebyo ebibaawangayo, tibyezyanga okutukulya okutoolawo okuwulira omusango omu mwoyo gwʼoyo abiwaayo.

1 Yokaana 3:5

Neye mukimaite muti oKurisito yaizire kutoolawo omusango gwʼekibbikibbi, era nga mwiye mpaamu kikole ekibbikibbi.